Kartawp Premier League inkhelh ah khan football player sual deuh pahnih tih ka nei. An sual ka ti thlawt a ni. Wigan Athletic leh Wolver Hampton inkhelah khan Wigan kha 2-0 in an chak a, wigan chakna chhan pakhat chu Karl Henry an hnawhchhuah vang a ni.
Wigan midfielder Jordi Gomez chu minute 11 ah Henry hian vir nawk khawpin a tlawh a, Referee chuan Red card direct in a pe nghal. Direct red card a nih avang hian Henry hi match thum chhung khel theilo tura hrem ani a. A foul dan kha dik tak chuan match 5 lai hrem a phu a ni. Professional foul hi chu a awm, a tur a ni. Amaherawh chu tihnat tum vang hrim hrim hi chu a huatthlala awm khawp mai. He player hi football pawh khel tawh lo mai se kei chuan ka duh a ni. September ni 12 a Fulham an hnehloh tum pawh khan Fulham player Bobby Zamora chu a tlawh hliam tawh bawk a,hun rei tak a khel thei dawn lo zui.
Holland Player Nigel de Jong pawh hi football player sualah chaun chhiar tel a ni fo tawh ang. World cup 2010 final a Xabi Alonso a awma a tlawh te kha ..... khang kha chu proffessional foul a ni theilo hrim hrim, tih nat luih tum a niin ka hria. Tun Sunday zana Newcastle an hneh zan pawh khan Ben Arfa chu hmazawgin a tlawh a, a ke veilam ruh a khawlo, an zawnchhuak ta a nih kha.
Hei vang hian International match ah Holland coach Bert van Marwijk chuan thlang renrawn tawh mahse Euro qualifying squad atangin a paih leh ta. Holland coach pawhin De Jong a chet dan hi a dem em em a, player carrear tihchhiat vek theihna a nih thin avangin tul lo leh sual vang hrim hrim a foul hi a ngaihzam theih loh thu a sawi a ni.
4 comments:
De Jong, Essien, ReoCoker etc te hi chu ka hmachhawn peih loh ber te an ni awm e
dawldang..... saturday zana an inkhel ka en lai kha chuan... ka lo thinrin raappp... khang em em kha chu a zialo hle mai
Taylor-a'n Eduardo a tih nat te kha chu ka la pawmzam thei mai a; De Jong a chet dan thin em em hi chu a nalh lo ka ti thin khawp mai. African Player tih awm tawk lek lek hi tih a ching riau. Team thaah chuan khel lo se Card an chawi ngun viauin ka ring a ni (Team tha hi a tlangpuiin Refree te hian an ngam meuh lo niin ka hre ve tlat)
De jong hi Newcastle lam kha hrem an ngiat a..hrem tak maw FA hian
Post a Comment