UCL ah English team an chak vek

UEFA Champions leaague matchday 2 ah English club pali te chu an chak vek. Thawhleh zan khan Arsenal leh Chelsea ten an khel a, Nilai zan hian Manchester United leh Tottenham te chuan an khel bawk a. 

Marseille 0-2 Chelsea

Nizan hmasa inkhelah Chelsea chuan Stamford Bridge ah an mikhual Olympique Marseille 2-0 in an hneh a, Corner atangin John Terry chuan kil takah mak deuh si, nalh deuhin a thun a, Anelka chuan penalty atangin an goal hnihna hi a thun bawk a. Tichuan 2-0 in an chak ta a. Chelsea hi Group F ah awmin, table hmahruaitu an ni a, game hnih khel in an la chak vek a, point 6 an hmu a, Spartak Moskva pawhin an bitum te an la hneh ve ve avangin point 6 tho an hmu a. Mahse goal difference ah Chelsea hi an san zawk avangin table hmahruaitu an ni.

He inkhel ah hian World cup a che chhe em em French team a mi Anleka chu Marseille fans te hian an 'booo' khum a. Ancelotti chuan, "French fan  ten  an  'boo' khum avang khan a game ah engmah nghawng a nei lo, englai pawhin chiai lovin a khel thei, pawimawh ber chu goal a thun hi a ni", tiin a player chu a chhan a ni.

Partizan 1-3 Arsenal

Partizan khuaah Arsenal na va zin a, Arsenal hian minute 15 lekah rawlthar Carling cup a tha taka a khelh avang a kaisang chho ta Jack Wilsher thawhrah chu Arshavin chuan goal ah a chantir a. First Half tawp hma hretin Denilson a handball avangin Arsenal chuan penalty an chawi. Cleo chuan Partizan si phurh a rul a. 57 mins ah Marko Jovanovic in Chamakh a tih tluk avangin Arsenal chuan penalty an hmu ve ta, Marko hi hnawhchhuah nghal a ni a,mahse he panalty hi Partizan keeper chuan a dang hlauh a. 

A tam zawk na na na chuan an nawr chhunzawm zel, 71 mins ah Chamakh chuan goal a thun a, 1-2 a ni ta. 82 mins ah Arsenal defender chuan a tauh lut ve leh a, Almunia aia thlan Fabianski chuan hun tawp dawnah penalty a dang leh hlauh a. Tihian Arsenal chuan 1-3 in Parstizan chu an khemualah an va hneh ta a ni. Game 2 an khelh tawhah Arsenal leh Shakhtar Donestsk chuan 100% record an nei a. Arsenal hian goal difference an lo neih tam zawk avangin Table hmahruaitu an ni ta a ni.

Nizan inkhelah Manchester United chuan Spain hmahruaitu Valenchia 0-1 in na hneh a. Tottenham pawhin 4-1 in FC Twenty an hneh bawk. He ti hian English club te chu UEFA Champions League matchday 2 ah an chak vek a ni.