Tuesday, 28 September 2010.
Arsenal chuan an No. 1 goal keeper Almunia chu Partizan Belgrade an va tlawh hun hian an chhawr thei dawn lo. Inrinni a West Brom nen premier league game ah khan penalty a save na lamah a kiu a ti hliam palh a, hei vang hian an second choice keeper Lukasz Fabianski chuan Arsenal siban a nghak dawn a ni. Hetih lai hian thu lawmawm chu Kieran Gibbs chuan vawiin hian training a zawm thei ta a, squad ah pawh telh a ni.
Ajax vs AC Milan
Ajax leh AC Milan inkhel tur hi a nghahhlehawm a, Ajax defender tha Jan Vertonghen chuan Champions league first match Real Madrid nen an khelh tum khan suspension avangin a inlan ve thei lova. zanin hian a debut match Ajax tan Champions league ah a khel ve thei dawn ta. Vertonghen chuan zanina an game tur thlir lawkin, " zlatan hi world class striker a ni a, goal thun tura inpeih reng a ni. Chuvang chuan ani lo chan hi a hahthlak dawn a, fimkhur tak leh taima taka kan khelh a ngai dawn a ni", a ti.
Chelsea chuan marseille an mikhual dawn a. Lampard, Kalou leh Benayoun chu inhliam vangin an khel thei dawn lo. Marseille coach Didier Deschamps chu a khel thinna club Chelsea ah chuan a kir leh dawn a, A club ngaihnat em em thin pawh ni mahse deschamp chuan tlawm zawk nih a tum lo a ni.
Auxrre vs Real Madrid
Auxerre chuan real Madrid an lo mikhual dawn a, Auxerre Keeper Olivier sorin chuan Real forward te chu khawvela team hmatawng tha ber an nih thu sawiin, Inrinni a La Liga game ah Levante lakah goal an thun thei lova, tunah hian goal thun chakin an riltam a ni tiin, Real hlauhawm zia a sawi a. Hetih lai hian a team te chu team tha tak leh Real pawh hneh thei an nih thu a sawi lang bawk.
No comments:
Post a Comment