Neitu thar hnuaiah pawh an la chak thei chuang lo, a eng ber lai hi nge dik lo tiin an inzawt an inzawt ta. Merseyside derby hi a tir atangin a hmuhnawm nghal. Everton home a ni a, Liverpool chuan tunlai an record a chhiat em em lai a nih avang leh neitu thar an neih avangin chak ngei an tum.
Liverpool hmatawng Torres leh Lucas te an ni. Everton lamin Yakubu leh Osman an dah, tin pate, mahse zuangsang leh finishing tha em em Australian Cahill chu striker pui turin attacking ah a awm bawk. 33mins a ni, Seamus Coleman chuan dinglamah bal chak takin a tlan phei pui a, near post ah lei hrulah a pe chho keuh, Cahill ngei mai chuan kawh zet zawtin Reina man hman lohin near post ah chuan a pet goal ta. 1-0 in Everton hian First Half ah hma an hruai.
Second Half tan a ni. Tan atanga minute 4 lekah Everton chuan Corner an hmu. Ball rawn per chhuak leh chu Arteta chuan keeper zawnah kawh zetin a pet, Reina a che hman lo. A goal leh ta, Everton fans te lawmin an au a, an huat ber Liverpool lakah 2-0 in hma an hruai ta. Liverpool chuan theihtawk an chhuah, Torres chuan first half lama a khelh chhiat hliah khuh tumin theihtawk a chhuah, goal pawh a thun teuh. Amaherawh chu Distin leh Neville te an chet that em avangin goal an thun thei ta lo. Referee chuan hun a ham tawp ta. goal dang a luh belh lo a, Everton chuan 2-0 in an hmelma kumhlun Liverpool chu an hneh ta.
Game chungchang chu kha ti kha a ni deuh mai. Everton lamin chak an phu, engatinge club hlun leh Champions League te meuh pawh lo champion tawh Liverpool hi an chet chhiat tak reng ? An manager Roy Hudgson hi an thlak vat a ngai a ni. Compensation 3m pound vel pek a ngai dawn. Chu mi pek a chhuahtir mai chu a na em ? kei chuan pe se, chhuahtir mai se, midang manager tha zawk lalut se an tihfuh ka ring. A chhan chu January transfer window a rawn inhawn leh hunah club neitu thar NESV te hian 40 million pound chu player thar leinan thehchhuah an rem ti. Heng pawisa zozai hmang tur hian Roy chungah hian rinna ka nghat ngam lo.
Dik tak chuan a player te hi han en ila, player tha tak an la ni hlawm, engatinge draw pawh sawi loh 2-0 laia a chakloh pui, a neih ang ang hi heti pawha a hmang thiamlo a nih chuan player thar dang pawh chaw lut pawh nise, engahmah a chhuah ka ring chuang lo. Chuvang chuan Liverpool hian a rang thei ang bera manager thar, World class manager an lak luh vat a ngai a ni. 3 million pound vel chu compensation atan lo pe ta pawh nise, relegate ai chuan a la hlawk fe zawk.
Hetihian Liverpool chu a table ah a hnuaiber dawt an ni ta a, westham chungah an awm. Everton chu kai chho dawrhin 11-naah an inhlang chho a, Liverpool kan han sawi viau lai hian Everton hi team tha an ni a, season bul an tan thalo mai a ni, tunah an insiam thar chho mek a, an striker pahnih Saha leh Anicheble te an dam chhoh hunah phei chuan Premier League team hlauhawm ber pawl an rawn ni leh thei ngei ang.
3 comments:
Ka hmuhdan hi a dik vek lo ang tih chu ka ring, kan sawi ve teh ang. Central Midfielder tha, Gerrard thlawptu an nei lo, Lucas Leiva tih vel atang hi chuan bseisei tihsan a har. Mascherano awm lo an tuar ka ti, ani lah Barca ah a khel leh mang der si lo. Gerrard a tang lutuk a tlanchhuak nasa a, Ball an hloh leh si vaih chuan an tan a hlauhawm thei hle. Manager hi chu a tha viauin ka hria, ban lo se ka ti. A bul berah chuan sawi leh sawi hnu, Benitez a policy tha lo rah kha a la ni ta zel...Lucas Leiva hi tunge thlak chuang ang, Maxi pawh... kha kha ni mai. Anni man to, hlawh hnem bawk ai chuan team chhe zawk, wolves, stoke, birmingham etc. vel ami central midfielder tuemaw ber pawh hi EPL atan chuan ka la duh zawk
Torres hian chhuah a chak tawh hmel ka ti e... January thla hian a chhuak mai ang a. ka ti mai mai
Chhuak se a tifuh zok mai thei. Buaina an han tawh meuh tawh hi chuan insiamthat nan hun a duh rei thin lutuk a; anni hi chu an la vannei zawk a nih hi, a fawng chelhtu an inthlak dawn a, reivakloah chuan an insiam tha thei mahna. Mahse a hmaa an Form ang kha chu an pha tawh kherin ka ring lo kei mimawl ve tak hian
Post a Comment