Kan hriat tawh angin, Board of members dangte hian Liverpool chu hralh an duh a, hetih lai hian share nei tam pahnih hian duh lovin, court ah an khing ta kha a ni a. Court thuthlukna hriat a nih veleh hian Liverpool fans te chu hlim leh lawmin an au a..an lam bawk a.
Heti a nih chuan Liverpool chu hralh a ni thei dawn ta. Ni 15 ral hma ngei hian an ba RBS hnenah an pe thei dawn a, tichuan an point pawh paihsak an ni lovang. Club Chairman Martin Broughton pawh a lawm hle mai. Vawiina thuthlukna an hriat rual rual hian Press conference an nei nghal a, "Club chu kan hralh thei ngei dawn e, vawiin tlai la la hian Board Meeting kan nei nghal ang, hnehna kan chan hi kan ring em em a, mahse court thuthlukna a nih miau avang hian kan chak ngei ngei dawn e tih a sawi theih loh. Tunah chuan engkim a fel tawh a, He club hian hun duhawm tak a la tawng chho leh dawn a ni", tiin hnehna an chan rual hian a lawmthu leh hma an lak dan tur a sawi.
NESV in £300m a an ngamna chu pawm a lo ni tawh a, heti a nih chuan RBS a an ba £240m leh a pung £40m chu pek a ni thei tawh dawn a ni. Hetih lai hian Liverpool lei lo tum ve tu Singapore billionaire Peter Lim chuan a pawisa faiin £320m a rawn thehchhuak phal a, heng club ba zawng zawng pawh hi rulh vek a inhuam bawk. Tin player thar leinan a pawisafaiin £40m a la rawn thehchhuak phal leh zel. Liverpool chuan hma khua eng tak an nei ta. Tunah chuan duh thlang theiin an awm leh ta mek. Tu zawk hian nge Liverpool chu lei dawn ta tihah chauh an buai ta a nih chu.
6 comments:
A va han nuam chiagkuag em
Liverpool tantute ka lawmpui e.... Club enkawltute hian pawisa hi an lo in hman thiam hleih khawpin ka hria. Hmanni deuh khan West Ham pawh 110 million ba in an awm a; an buai hman trep a; mahse management lama tawnhriat ngah tawh te'n an han la chhawng a, ticket man te ti hniam in an hralh zo vek jel mai, engtin tin emaw buaina pawh an pumpelh dawn ta niin a lang. Liverpool te ang club hlun phei hi chu an talbuai thui ang tih a hlauhawm a....american pahnih hi chu an tlinglo emmmm a nih hi, tun hi an buaina awmchhun lah a ni hek lo
kan bukmark tawh ang e, ka tih bo tawh loh nan, a mawi ta hle mai. A felfai bawk
Kum 1987-88 chho khan NEWCASTLE kha kan han tran ve ngawt a, kan hriat ve danah Gazza khan Liverpool a zawm emaw kan tia, kan han tran ve leh ngawt a. Ka tran chhunzwm ta zel a. (Eng dang vang a ni lo. Gazza poster kha ka u room-a intar tam ber dawttu a ni thrin) Chuan kan vengah ka awm a, EPL hre thar ve te tein min han insawi khum vel atrang hian ka LIVERPOOL ta lo. Ka neutralpool vel ta mai mai.
kha...tlawm an la tum hauh loh kha mawle..Texas court te an la ti ta deuh deuh..Liverpool fans te tan chuan an chimawm ve ta hrim hrim e ..lolzzz
@ digimalt... i blog ka vawikhat tlawhna, a tha hle mai, han tang sauh sauh teh.. Mizo Blog ka tlawh tawhah tha ka la ti ber..
HDD 1 TB i nei an ti? i turu e...fifa 11 pawh i nei an ti leh zel ka ngaisang che..ka awh ve em em ka khawl in a zawh si loh a ni e sir
Post a Comment