Arsenal 1-0 Westham
Robert Green a khel tha thlawt, Man of the match ah ka puang. Walcot shot a lo dan te kha rapthlak tak a ni. A video hi dah zung zung tu awm selang chuan duhthusam a nia.
Emirates Stadium ah mualneitu an talbuai, goal an thu thei lo, a chhan chu Westham siban nghaktu Robert Green a ni tlat. Arshavin leh Chamakh ten goal an thun thei thlawt lo, Westham hian theihtawk chhuah a Table mawngphah atanga talchhuah an lo tum ve mek bawk si. First half ah goal a awm lo.
Second half ah goal a lut tawh mai dawn emaw tih laiin Green-a'n vawi duai lo Arsenal laipui mu a lo dang. Arsene Wenger chuan 67 mins ah Denilson lachhuakin Theo Walcott a luhtir, hei hian nasa takin game a sawi danglam, mahse a pawimawh ber goal an thun thei lo. Palian Bendtner a rawn vawm lut bawk a. Arsenal hian goal thun tumin an theihtawk tak meuh meuh an chhuah. An nawr nat em avangin an taimak man chu an hmu ta. 88 mins ah set piece atang Alex Song chuan hnaisetsawtah a tauh goal ta, 1-0 hun tawp dawnah chuan hma an hruai ta hram. Westham lam hian hmatawng an neih that loh mai bakah Arsenal defender te an khawng em a vangin goal an thun ve thei ta lo. hun a tawp ta a, Arsenal chuan 1-0 in hnehna an chang ta a ni.
1 comment:
Ka pawlte chak lo lai han thlir reng mai hi chu a hrehawm ve thin hle.
Post a Comment