Laliga saturday inkhelah kaithar Levante chuan player leh coach man to awm khawmna Real madrid chu an khelmualah goal awm lovin an lo draw.
Real Coach Jose Mourinho chuan an inkhelh zawhah chanchinbu mite hmaah thu sawiin, "Chance kan insiam nasa em em, a then te kha chu tha tak a ni. Mahse mak tak chu goal kan thun thei der lo, ka player te han en hi chuan kan tha tawk, chak thei kan ni bawk. Mahse tunah rih chuan goal kan la khung thei rih lo, hei hi thil buaithlak a ni" tiin a team chungchang a sawi a, an tumpui Levante khelh dan chu sawiselin ", Zanin hian team pakhat chauhin chak tumin football a khel a ni.Mahse hei hi chu chutiangin ka sel lemlo, team tin hian khelh duhdan kan nei vek a.. Point hlawh chhuah hi a lawmawm e, mahse kei chuan chak ziah hi ka duh a ni", tiin an inkhelh chanchin a sawi zui.
Tunah hian Real Madrid hi Barcelona aiin point khatin an hniam zawk a, nizan ah khan Barcelona khan Athletic Bilbao 1-3 a an hneh avangin Real chungah hian an awm ta a ni.Hetih lai hian Valenchia khan Nilaini khan Athletico Madrid 1-1 a an hnehtawk bawk avangin Barca chungah point khat chiahin an thu ta a. League hmuhnawm tak a ni chho dawn niin a lang.
No comments:
Post a Comment