Tottenham an bon zel, Inter an tlang bawk

Wednesday, November 24, 2010

Share this history on :

Tottenham chu Champions League last 16 ah an inhlang kai ta.Nizan White Hart Lane inkhel hmuhnawm takah khan Werder Bremen 3-0 ngawtin an hneh a, Inter Milan nen points 10 veve hmuin Spurs hi Goal difference ah an san zawk avangin tunah an Group hmahruaitu an ni.

Harry Redknapp-a naute hian tun weekend a Arsenal, si an phurh hnua an hneh leh theih avang khan nasa takin inrintawkna an nei a. Hetih lai hian Werder Bremen chu inhliamin a lo ti buai ve mek nen, Tottenham tan hun duhawm a inherchhuak ta a ni.

6 mins lekah, Emirates Stadium-a chakna thuntu Kabul bawk chuan goal hmahruai a rawn thun leh ta a, Aaron Lennon-a cross chu a ke sir chuan nalh takin a hem lut a ni. First half a zo tep, 45+1 mins ah Luka Modric chuan an goal hnihna thunin keeper Tim Wiese chu cool takin a bum a, goal nalh tak penalty area chhung atangin a thun a, Hun a tawp zui.

Second Half tan a ni a, tunlai Tottenham player khel tha chungchuang Gareth Bale chu a hlauhawm thei khawp mai, Felix Kroos an Modric a tihtluk vangin penalty Spurs hian an hlawh chhuak, penalty petthiam Rafael Van der Vaart suspend a nih avangin a khel thei lo, a aiah Gareth Bale a rawn ding chhuak a,mahse Tim Wiese chuan a lo save sak hlauh. Hemi hnu hian Bale hian vawi hnih ngawt goal ban a petper a, a tawp khar nan Crouch chuan goal thumna 79 mins ah a rawn thun ve leh a, goal dang a luh belh lo, 3-0 in Tottenham hian hnehna an chang ta a ni.

Hetih lai hian Inter Milan chuan San siro Stadium ah FC Twenty chu Cambiasso 55mins goal hmangin 1-0 in an lo hneh ve bawk a, points 10 ve ve hmuin last 16 ah an inhlangkai ve ve tawh a, game khat chauh khelh tur an nei tawh a, group leader ni thei ve ve an la ni.  

Champ Lge Group A table snapshot

As it stood on 24 Nov 2010 23:59 UK
PositionTeamPGDPTS
1Tottenham5710
2Inter Milan5410
3FC Twente5-25
4Werder Bremen5-92
Thank you for visited me, Have a question ? Contact on : digiball10@gmail.com.
Please leave your comment below. Thank you and hope you enjoyed...

No comments:

Post a Comment