digiball10

ManUtd leh Valencia an lut

2010-11-25T01:13:00.001-08:00

Hun tawp dawnah Penalty an hmu a, Rooney chuan goal ah a chantir, United chuan Rangers chu Europa League lamah an thawn thla ta.

Rooney chu reitak a inhliam hnuah 1st eleven a rawn chang chho leh ta a, Ranger home a ni a, mahse united lam hian ball an chang tamin, chance pawh an nei nual. Mahse goal an thun theilo ve ve. Huntawp dawn 87 mins a Steven Naismith foul vangin United lam chuan penalty an hlawh chhuak a, inhliam damkawr Rooney chuan a pet a, goal ah a chantir. Goal dang a luh belh lo, United chu group hmahruaitu an nih mai bakah game 28 teh meuh mai hneh loh nei lovin an kaltluang ta.

Lehlam inkhelah Valencia chuan Bursaspor chu 6-1 ngawtin an sawp a, Mata 17’ (pen.) Soldado 21’, 55’ Adúriz 30’ Joaquín 37’ Domínguez 78 ten goal an thun a, tichuan last 16 ah an rawn inhlangkai ve ta bawk. Hetih lai hian Bursaspor chuan point khatmah an la hmu lo a ni.

Champ Lge Group C table snapshot

As it stood on 23 Nov 2010 23:59 UK

Position	Team	P	GD	PTS
1	Man Utd	4	5	10
2	Valencia	4	6	7
3	Rangers	4	-2	5
4	Bursaspor	4	-9	0

Tottenham an bon zel, Inter an tlang bawk

2010-11-24T19:39:00.000-08:00

Tottenham chu Champions League last 16 ah an inhlang kai ta.Nizan White Hart Lane inkhel hmuhnawm takah khan Werder Bremen 3-0 ngawtin an hneh a, Inter Milan nen points 10 veve hmuin Spurs hi Goal difference ah an san zawk avangin tunah an Group hmahruaitu an ni.

Harry Redknapp-a naute hian tun weekend a Arsenal, si an phurh hnua an hneh leh theih avang khan nasa takin inrintawkna an nei a. Hetih lai hian Werder Bremen chu inhliamin a lo ti buai ve mek nen, Tottenham tan hun duhawm a inherchhuak ta a ni.

6 mins lekah, Emirates Stadium-a chakna thuntu Kabul bawk chuan goal hmahruai a rawn thun leh ta a, Aaron Lennon-a cross chu a ke sir chuan nalh takin a hem lut a ni. First half a zo tep, 45+1 mins ah Luka Modric chuan an goal hnihna thunin keeper Tim Wiese chu cool takin a bum a, goal nalh tak penalty area chhung atangin a thun a, Hun a tawp zui.

Second Half tan a ni a, tunlai Tottenham player khel tha chungchuang Gareth Bale chu a hlauhawm thei khawp mai, Felix Kroos an Modric a tihtluk vangin penalty Spurs hian an hlawh chhuak, penalty petthiam Rafael Van der Vaart suspend a nih avangin a khel thei lo, a aiah Gareth Bale a rawn ding chhuak a,mahse Tim Wiese chuan a lo save sak hlauh. Hemi hnu hian Bale hian vawi hnih ngawt goal ban a petper a, a tawp khar nan Crouch chuan goal thumna 79 mins ah a rawn thun ve leh a, goal dang a luh belh lo, 3-0 in Tottenham hian hnehna an chang ta a ni.

Hetih lai hian Inter Milan chuan San siro Stadium ah FC Twenty chu Cambiasso 55mins goal hmangin 1-0 in an lo hneh ve bawk a, points 10 ve ve hmuin last 16 ah an inhlangkai ve ve tawh a, game khat chauh khelh tur an nei tawh a, group leader ni thei ve ve an la ni.

Champ Lge Group A table snapshot

As it stood on 24 Nov 2010 23:59 UK

Position	Team	P	GD	PTS
1	Tottenham	5	7	10
2	Inter Milan	5	4	10
3	FC Twente	5	-2	5
4	Werder Bremen	5	-9	2

United in Chelsea nihrual ta

2010-11-20T10:20:00.000-08:00

Chelsea chuan an defender Terry inhliam an tuar, goal mawlmang takin an chhuah leh ta. Birmingham an va luhkhung a, Birminham lam hian Premierleague champion an ni tih an lo hre hauh lo mai. 16 mins ah Sebastian Larsson ball vawrhphei chu Cameron Jerome chuan Lee Bowyer lak rem tur tak chuan a tauh thlak sak a, Cech a rawn up, bowyer chuan cool zetin a chip/push a, he game a goal awmchhun leh chakna goal a ni ta.

Chelsea hi azawnin an tlawm ta a, kar hmasa khan Sunderland chu 0-3 ngawtin an hnehlo tawh a nih kha, zanin hian an chaklo leh ta a. Herih lai hian United chu an lo chak ve khauh bawk nen, Premier League ah 28 points ve ve hmuin Man utd nen an point an in nihrual a, goal difference ah an la san zawk avangin League hmahruaitu an la nih phah mai mai a ni. Chelsea hian an central defender John Terry -a inhliam an tuar khawp niin a lang, hetih lai hian United keeper hlui Ben Foster chuan an team hluite duhsak niawm takin a che tha em em mai leh nghal a, United tan hna tangkai tak thawkin, vawi duai lo Chelsea hmatawng a dang chat.

Man utd 2-0 Wigan

Hetih lai hian Old trafford ah Man Utd chuan Wigan Athletic chu si hnih faiin an lo hneh ve bawk a, tunah chuan chelsea nen poin an innih rual ta a ni.United in game an thunun, mahse goal an thun mai thei lo. first half a tawp tep tihah throw chu park chuan a dawng a, a cross chho nghal. Defender ten a out tawh mai dawn emaw an tih laiin Patrice Evra chu a rawn thlawk lut fua a, ball chu chiang set sawtin net chhungah chuan a tauh lut ta. Goal hmahruai a thun, chawhma hun a tawp ta. 1-0 in United in hma an hruai.

Rooney chu a dam chiang tih lantir nan second half ah chuan a rawn lut a, 58 mins ah Fletcher a kherhthluk avangin Antolin Alcaraz chuan second yellow a hmu, referee chuan a hnawt chhuak a, a hnu mai 60 mins ah Hugo Rodallega chuan Rafael Da Silva a ke khinghniha a tlawh avangin referee chuan direct red card a pe. Wigan 9-a an khelh a ngai ta. United chuan defence thuam that ai chuan hmatawng tih chak a pawimawh tih an hre chiang. Hernandez a rawn lut a, 76 mins ah Javier Hernandez chuan Rafael ball cross tha tak chu a tauh lut hlauh mai, 2-0 in United hian hma an hruai ta a, Nani a che tha em em, Rooney rawn dam leh chuan goal a thun lo hlauh, Rafael chuan vawi tam tak ball tha tak takin a cross, mahse goal an thun thei bik lo. hun a tawp ta, united chuan 2-0 in Wigan chu an hneh ta.

North London Derby Hmuhnawm

2010-11-20T09:56:00.000-08:00

North London Derby chu a hmuhnawm chiang kher mai. Arsenal 2-0 a hma an hruai tawh hnuah an tawlhthlu hlauh, Tottenham fighting spirit a tha thlawt.

Emirates Stadium a ni a, An home a nih avangin Arsenal lam hian tan phat atangin game an thunun nghal, 9 mins lekah Nasri chuan ball chak takin a tlan phei pui a, Goal keeper chu a sir lamah a bum leh bawk a, a tlan out pui dawn ta emaw tih hnu, angle pawh awm tawh lohna atang chuan mak sak tak leh mawi tak in goal hmahruai a thun, Arsenal player of the year a nih zia a rawn nem nghet. Arsenal game a tha tulh tulh, 27 mins ah veilam sir atang chuan Andrey Arshavin chuan a rawn cross a, Chamakh chuan mawi zetin Arsenal goal hnihna a rawn thun. First half ah goal dang a luh belh lo, 2-0 in Arsenal hian hma an hruai.

Second half an tan, Harry Redknapp thusawi a thawk tan ta. 50 mins ah Van der Vaart ball siam chu Spurs key player Gareth Bale chuan cool zetin a thun, Spurs in an goal khatna an thun ve ta. 64 mins ah Alex Song chuan Luka modric a tih tluk avangin spurs lamin free kick an hmu a, Van der Vaart chuan a pet a, wall-a ding Fabrigas chuan a banin a lo dang, penalty area a nih tawh avangin referee chuan penalty a ham ta, Van der Vaart bawk chuan pet leh in, Spurs siphurh a rul ta. Spurs an phur tawlh tawlh a, Arsenal captain hlui William galas chuan theihtawk chhuaha chak atum tlat rah chu an hmu ta. 84 mins ah Laurent Koscielny chuan Bale a titlu a, free kick Spurs in an pet, Vander Vaart pet chu Younes Kaboul chuan a tauh pial a, a goal leh ta, Spurs chuan Arsenal mualah 2-3 in hma an hruai ta vung mai. Van der vaart a khel tha a, Arsenal attack zawng zawng lo dangchat tu chu William Galas a ni. Hunin a daih ta lo, Arsenal chuan Table hmahruai theihna chance an bawlhpelh ta. 2-3 in an mualah Tottenham an hneh ta lo a ni.

United chakna Park

2010-11-06T11:41:00.000-07:00

Kan thianpa chuan Children Park-a a ti mai thin a, United chhan chhanchhuak tu chu Park Ji Sung a ni, United hlimin an lawm, mahse an lawm a kim lo. Owen Hargreaves chu kum khat lai inhliama a chawlh hnuah a rawn kir leh a, he a game khelh hma hian, tun tum a inkhelha, hliam a tuar leh a nih chuan chawlh a tum tawh thu a lo sawi tawh. Minute 5 pawh a khel tling lo, a inhliam leh ta, a football khawvel chu a tawp dawn a ang ta hle mai.

United leh Wolves inkhel inkhel hmuhnawm pangai tak a ni, Wolves lamin chance an nei hmasa zawk, mahse an pahnih hnihin goal an thun theilo ve ve. 44 mins ah Park chuan Fletcher a ball a dawng, free takin box chhung atang chuan a pet a, goal hmahruai a thun. First half a zo ta mai.

Second half tan a ni a, Wolves lamin an nawr phei ve leh a, united lam pawh hian Hernandez chiah striker an dah avangin goal ah an hlauhawm lo, 65 mins ah Nenad Milijas ball peh chu Vidic tawh buai hman lohin Sylvan Ebanks-Blake chuan a turn thut a, a shot nghal, a goal nalh khawp mai.. 1-1 a ni ta. United hian an mualah tlawm an tum lo, Macheda leh Scholes te an rawn lut, hun pangai chu a zo ta, an in hnehtawk dawn niin a lang ta. 4 mins pekbelh a ni, 92 mins ah park chuan veilam sir atang chuan ball a la lut a, near post ah Hahnemann khawih phak loh chuan a shot thut, chakna goal a thun ta, hun a tawp a, 2-1 in United hian Wolves an hneh ta a ni.

Enge game kha kan ngaih dang ? United hian Striker tha an mamawh nge mildfielder an mamawh zawk ? BEBE kha enge a an ?

Arsenal an chak lo hlauh mai.

2010-11-03T17:43:00.001-07:00

Shakhtar Donetsk khelmualah Arsenal an va zin chhuak, Arsenal lam hian Theo Walcott hmangin goal an thun hmasa. 9 mins ah penalty area pawn atang chaun khawh zetin a shot, dinglam sirah keeper ban phak lohin goal ah a lut. 0-1 in khual khuaah Arsenal hian hma an hruai. 27 mins ah Arsenal lam hian goal an thun leh, mahse an lamah a ni. Ball crossed chu Craig Eastmond chuan an lamah a tauh lut palh hlauh mai a, Shakhtar Donetsk siphurh a rulh sak. 44 mins ah Shakhtar Donetsk lamin goal an thun leh, Darijo siam chu Da Silva Ecuardo chuan box chhung atangin veilam sirah chuan a pet a, a goal leh ta. Shakhtar Donetsk hian an mual ah 2-1 in hma an hruai ta. Second Half ah Arsenal hian an theitawkin an nawr a, Eastmond chu Vela in a rawn thlak a, Bendtner pawh chu Chamakh chuan a rawn thlak bawk. Mahse Shakhtar Donetsk defence a phui tha a, goal an thun thei ta lo. hun a tawp chuan Shakhtar Donetsk chuan 2-1 in Arsenal an hneh ta a ni.

Group F match pakhat zawkah Partizan Belgrade chuan 0-1 in Braga an hneh lova, goal awmchhun hi 34 mins a Mioses thun a ni. Partizan hian an group ah hian hneh an la nei ve lo a, point khat pawh an la hmu lo a ni.Hetia Arsenal an chak loh leh ta siah chaun S. Donetsk nen hian point 9 ve ve an hmu a, Braga hian point 6 hmuin tunah hian roun of 16 luttur a la chiang theilo a ni.

Champ Lge Group H table snapshot

As it stood on 3 Nov 2010 23:59 UK

Position	Team	P	GD	PTS
1	Arsenal	4	11	9
2	S. Donetsk	4	1	9
3	Braga	4	-6	6
4	Partizan Belgrade	4	-6	0

AC Milan 2-2 Real Madrid

2010-11-03T17:32:00.000-07:00

San Siro Stadium ah AC Milan chuan Real Madrid an lo mikhual a, inkhel hmuhnawm ka a ni. First Half tawp lamah goal khatna a lut chauh a, 44 mins ah Higuain chuan goal hmahruai a thun. Half time hian Real hian 1-0-1 in hma an hruai.

Second Half tan a ni a, 67 mins ah tar thei lo Inzaghi chuan chaun an si phurh a sut, ibrahimavic ball siam chu goal ah a chan tir a, a finishing a la tha hle mai. An innawr tawn a, goal hlauhawm pawh a awm nual, 77 mins ah Ambrosini ball vawrh tha zet mai chu Inzaghi chuan dawngin, cool lutuk mai chuan goal ah a thun, hei zet hi chu top class a ni, mahse he ball vawrh luh a nih lai hian Inzaghi hi reply na atanga a lan dan chuan offside niin a lang, hetah hian Mourinho chu a lawm lo em em a, fourth official hnehah pawh complaint a pe a ni. AC Milan hian an chak mai tawh dawn emaw an ti, referee chuan injury time minute 5 a pek belh hlauh mai. 93 misn ah Karim Benzema ball pek tha zet mai chu Pedro Leon chuan a shot a, keeper in an mahni lamah a dang lut ta hlauh, Real chuan an si phur an rul ta, hun a tawp zui mai bawk a, 2-2 in an in draw ta a ni.

Group G game pakhat zawkah Auxerre chuan 2-1 in Ajax an hneh a. 8 mins ah Sammaritano chuan goal hmahruai a thun a, 79 mins ah Alderweireld chuan Ajax si phurh a rul a, mahse a hnu lawk 83 mins ah Langil chuan Auxrerre tan hmahruaina leh chakna goal a thun.Group G ah hian Real Madrid hi roun of 16 lut chiang sa an ni ta am hetih lai hian AC Milan, Ajax leh Auxerre te chuan luh theihna chance an la nei vek.

Champ Lge Group G table snapshot

As it stood on 3 Nov 2010 23:59 UK

Position	Team	P	GD	PTS
1	Real Madrid	4	5	10
2	AC Milan	4	0	5
3	Ajax	4	-2	4
4	Auxerre	4	-3	3

Chelsea UCL match-ah an la chak vek

2010-11-03T17:08:00.000-07:00

Stamford Bridge ah Chelsea chuan Russian club Spartak Moscow chu awlsam takin an hneh. Chelsea hian game an thunun a, amaherawh chu first half ah goal a lut lo.

Second half tan a ni a, 48mins ah Salomon Kalou ball pek tha zet mai chu Anelka chuan near post ah kawh zet zawtin keeper hmuh hmanloh khawpin a pet a, goal hmahruai a thun. 61 mins ah Yevgeni Makeev chuan box chhungah Drogba a kalh thlu, referee in penalty a aham, Drogba chuan petin goal ah a chantir a, 2-0 in chelsea chuan hma an hruai ta. A hnu lawk 65 mins ah Chelsea tan Branislav Ivanovic chuan a tauh goal leh a. Chelsea hian thuneihna an chang zel a, goal chance pawh an insiam hnem. 85 mins ah Nikita Bazhenov chuan Spartak tan goal khat a rawn thun ve hlauh a. Hun a tawp mai dawn, goal dang a luh belh tawh dawn lo emaw tih laiin 92 mins ah Yury Zhirkov siam chu Branislav Ivanovic chaun thun lehin Chelsea hian 4-1 in Spartak Moscow an hneh ta a ni.

Hetih lai hian Group F match pakhat zawkah Marseille chuan MSK Zilina chu 0-7 ngawtin an sawp a, Ginac chuan Hat trick siamin, Heinze, Remy leh Gonzalez ten goal an thun bawk. MSK Zilina hian poin khat mah an la hmu lo a, Chelsea hian 100 % chak record an nei a, Spartak Moscow leh Marseile te hian point 6 ve ve hmunin, khelh 2 hmabakah hian Round of 16 an la lut ve ve thei a ni.

Champ Lge Group F table

Wednesday, 3 November 2010 21:49 UK

Position	Team	P	GD	PTS

1	Chelsea	4	10	12
2	Spartak Moscow	4	-1	6
3	Marseille	4	5	6
4	MSK Zilina	4	-14	0

UCL matchday 4 report

2010-11-02T23:57:00.000-07:00

Group B inkhelah Benfica chuan 4-3 in Lyon an hneh a,benfica lam atangin Alan Kardec, Fabio Coentrao (2goals) leh Javi Garcia ten goal an thun a, Lyon lam atangin Gourcuff, Gomis leh Lovren ten goal an thun bawk.

lehlam inkhel ah Hapoel Tel-Aviv leh Schalke 04 chu 0-0 in an inhnehtawk a, Hapoel Tel-Aviv hian poin khat an nei ve ta hram a, Lyon, Schalke leh Benfica te chuan Roun of 16 luh an inchuh dawn a ni.

Champions League Group D ah chaun round of 16 lut tur a la chiang thei lo. Barcelona chuan FC Copenhage 1-1 in an draw a, goal hi first half-a lut ve ve a ni. 30 mins ah Messi chuan goal a thun a, hei hi a hnu lawk 32 mins ah Claudemir chuan FC Copenhage si phurh a rawn rul leh nghal a, Barcelona hian chance uihawm tak tak an thelh nual a, hun a tawp chuan 1-1 in an inhnektawk ta a ni.

Group D inkhel pakhat zawk chu Russia ramah neih a ni a, inkhel hi tan hma hret a ni. Panathinaikos chu Russia ah an va zin a, Rubin Kazan nen hian 0-0 in an inhnehtawk. group D ah hian Round of 16 lut tur a la chiang thei lo a, khelh 2 lek a awm tawh. Rubin Kazan hian poin 3 lek la hmu mahse game 2 an chak ve ve chuan lut thei an la ni ve tho.

Turkey-ah United in hnehna chang

2010-11-02T22:59:00.000-07:00

Nani Goal hmangin Old trafford ah khan hnehna United hian an lo chang tawh. Turkey-ah Bursaspor mualah an va zin ve ta a.United hian an tum angin game an khel tak tak thei lo, First Half ah goal a lut lo.

Second Half tan a ni chiah, 48 mins ah Michael Carrick one touch pass tha zet chu Darren Fletcher chuan dawng fuin, veilam sir ah chuan box chhung atang chuan a pet a, goal hmahruai a thun. United game a tha tual tual, 77 mins ah Ji-Sung Park ball siam chu kawh zet zawtin cross bar hnuaiah Gabriel Obertan chuan Champions League-a a goal thun hmasak ber ni turin goal ah a chantir leh a.United chuan 0-2 in hma an hruai ta. Second half a rawn lut Tiago Bebe chuan 76 mins ah Paul Scholes ball tha zet chu um lutin defenderin clear a tumna lamah Bebe ke ah a fu palh a, dinglam sirah keeper khawih phak lohin a goal leh ta. Hun a tawp zui ta a, United hian khual khuaah 0-3 in hnehna an chang ta a ni.

Lehlam inkhel ah Valencia chuan Rangers chu 3-0 in an lo hneh ve bawk a, Soldado chuan goal hnih thunin, a goal thumna chu Costa in 89 mins ah a rawn thun ve leh a. 3-0 in an chak ta a ni.Group C ah hian Manchester United chuan Round of 16 an lut chiang ta a, game lehah point khat an hmuh chuan group leader an ni chiang thei dawn a ni. Valencia pawhin Ranger an hneh a vangin luhna chance an nei ve bawk a, hetih lai hian Rangers pawhin chance an la nei ve tho.

Champ Lge Group C table snapshot

As it stood on 2 Nov 2010 23:59 UK

Position	Team	P	GD	PTS
1	Man Utd	4	5	10
2	Valencia	4	6	7
3	Rangers	4	-2	5
4	Bursaspor	4	-9	0

Tottenham chakna Gareth Bale

2010-11-02T22:45:00.000-07:00

Engkima engkim chu Gareth Bale a ni e. Ropui taka sawi ka duh a, mahse ka tawngkam thiamin a daih lo. He game hi in en a nih ngat chuan Gareth Bale-a rapthlak zia in hmu ve tho ang. Tottenham hian Champions League matchday 3 khan San Siro stadium ah Inter Milan hi 4-3 in an ihnehlo a nih kha, khatah khan Bale ropui takin a khel a, Spurs tan a vawikhat nan Hat trick a siam a nih kha. Tunah return leg kan ti mai ang, matchday 4 ah Tottenham khemualah khel lehin Tottenham hian 3-1 in an lo hneh a, heng goal thum a luh theihna chu Gareth Bale tlanchak leh ball thiam vang a ni.

White Hart lane-a inkhel hi World Cup 2010 hnua inkhel ka hmuh tawh ah chuan a la hmuhnawm ber ang. Basketball game ang mai a ni. Lehlam goal a thleng tawn ve ve nghal zung zung. Inter hi defending champion an ni a, hmatawngah Eto leh Sneidjer an nei a, an tal na dun khawp mai. Mahse Spurs tan Hutton, Kaboul, Gallas te an ding khawng em a, goal an thun thei lo.Tottenham counter attack a na, matchday 3 khan goal thum ngawt san siro stadium-ah an thun thei tih an hre reng, chuvang chuan an mualah hian goal an thun thei dawn tih an chiang. \

Ball kang lo la tla turin Crouch a awm, hetih lai hian vei lamah Bale a rawn tlanchhuak zawk zawk bawk a, dinglamah lah tlanchak leh ball thiam tho Lennon a awm bawk. 18 mins a ni a, vei lam atanga Bale ball pek chu a laiah Modric chuan la chhoin, shot tur angin a awm a, mahse defender a bum a, Van der Vaart chu offside lo chiah chiahin a pe, Van der Vaart chuan near psot-ah keeper khawi hman loha kawhin a shot, Spurs in hma an hruai ta. Spurs game a tha tawlh tawlh a, vawi duailo Bale-a'n ball chak tak takin a tlanpui a, a thiante tan chance a siam hnem kher mai. hetih lai hian Eto chuan shot a neive nual a, mahse clear chance a nei thei lo. Half time a ni a, 1-0 in Tottenham in hma an hruai.

Secondhalf tan a ni a, 61 mins ah Gareth Bale chuan veilam sirah chuan ball chak takin a tlan pui a, hniam deh dawhah keeper leh striker inkarah a cross, 6yard box-ah Crouch a lo awm hlauh, Crouch chuan goal hnihna a thun leh ta, 2-0 in hma an hruai. 79 mins ah Wesley Sneijder siam chu Samuel Eto chuan Inter goal khatnan a thun a, goal dinhmun chu 2-1 a ni ta. Theihtawkin Inter lam hian draw hram an tum, an an zawng zawngin an nawr, mahse an tisual ta hlauhmai, Gareth Bale chuan Half way line atangin amah leh a mah through ball a insiam a, chak takin a tlan phei pui, awlsam taka thun turin a siam leh ta, Roman Pavlyuchenko chuan goal ah a chantir a, hun a tawp zui ta. tottenham hian 3-1 in Inter Milan chu White Hart Lane ah an hneh ta.

Inkhel hmuhnawm tak a ni, Gareth Bale kha a tha thlawt, mahse tinge Benitez khan Bale dang tura putar Maicon a dah kher ni, a hnawh thlawt lo a nih kha. Tottenham hi team tha an ni.Defending champion pawh 3-1 laia hneh thei an ni a, Tin, Premier League-a United nen an khelh tum pawh khan an vanduai mai chauh a ni a. Player an nei tha thlawt. Modric, Lennon,Huddlestone,leh Van der Vaart te hian a lai game an thunun a, a sir lam atangin Bale a tlachak an chhawr bawk a, Tottenham hi team tha tak an ni.

An gorup a game pakhat zawkah Werder Bremen chuan 0-2 i FC Twente an hneh lova, goal hi secondhalf 75mins a Bremen captain Frings-a red card hmuh hnua lut ve ve a ni a. 80 mins ah Chadi chuan goal hmahruai a thun a, a hnu lawk 83 mins ah De Jong chuan goal hnihna a thun leh a, FC Twente hi 0-2 in an chak ta a ni.

Champ Lge Group A table snapshot

As it stood on 2 Nov 2010 23:59 UK

Position	Team	P	GD	PTS
1	Tottenham	4	4	7
2	Inter Milan	4	3	7
3	FC Twente	4	-1	5
4	Werder Bremen	4	-6	2

Real Madrid innghahna Ronaldo

2010-10-31T00:00:00.000-07:00

Manchester United a a awm lai khan Mourinho kha chelsea boss a ni, na tak takin Ronaldo kha thuin a bei a nih kha. Mahse tunah chuan Real Madrid ah beisei loh takin an inhrawn ta.Rin aiin an inmil ta phian si a.

Nizan inkhelah pawh khan Real chakna chu Ronaldo bawk a ni leh ta. Hercules FC home ah a ni a, mual neitu lam hian goal an thun hmasa. minute 3 lekah Trezeguet chuan Cassilas a tauh khum a,a nalh khawp mai. Real hian first half ah an siphurh hi an rul thei lo.

Second halh ah Ronaldo a che na khawp mai.52 mins ah 30 yards vel atanga a shoot chu keeper in a man bet theilo, a rawn per chhuak leh, Di Maria chuan goal ah a chantir ta a. 1-1 a an in draw mai dawn emaw tih laiin Ronaldo chuan 82, 86 mins ah goal a rawn khung leh ta a, 1-3 in khual khuaah hnehna an va changta a.Real hi hmahruaitu an ni chhunzawm ta zel .

United in Goal maksak tak an thun

2010-10-30T14:53:00.000-07:00

Premier League ah goal maksak tak a lut. He goal hi Old trafford ah ngei a ni. he goal chanchin sawi tak tak hmain game chanchin sawi hmasa ila.

Manchester United hian Tottenham an mikhual, inkhel hmuhnawm tak a ni, Spurs lam hian ball an keng thei a, game pawh an thunun. Bale a che tha leh pup pup hle mai, Clear chance a awm tak tak theilo, Spurs lam hi an hlauhawm zawk mah. 31 mins ah Javier Hernandez chu Younes Kaboul in a titlu, United lamin free kick 40 yards vel an hmu. Luis Nani chuan a pet a, defender goal thun thei leh timing tha Nemanja Vidic chuan sir takah kawh takin a tauh lut, goal chhunga camera an dah pawh a vir nawk mai. 1-0 in united chuan hma an hruai ta. First half ah goal dang a lut leh lo.

Second half ah pawh goal a lut mai thei lo, Spurs lam hian an siphurh sut an tum, mahse Nemanja Vidic leh Rio Ferdinan te an inkawp fu leh chho tan tawh si a, goal an thun thei lo. 83 mins ah khel tha em em Nani chuan goal a thun ta nge nge. Goal dang a luh belh lo a, 2-0 in United hi an chak ta a ni.

83 mins a Nani goal thun hi an la sawi zui zel dawn. goal mak tak a ni. Nani chuan Penalty box chhungah balla tlanluhpui a, defender in a titlu, penalty a ni dawn emaw an ti, mahse referee chuan a ham hauh lo, Nani hian a tlukna lamah ball chu a khawih a, Spurs keeper Gomes chuan ball chu a man a, leiah a dah thla le, pet a tum lai tak chuan Nani chu rawn tho lehin, ball chu a pet khalh ta a, a goal ta a ni. Hetah hian referee decision chuan sawisel a hlawh em em.

referee hian ball hi a a ham thi lova, Gomes khan handball a ham emaw tiin leiah a dah thla a, chu chu Nani chuan a pet khalh ta kha a ni a. Chiang taka en chuan referee thiamloh kha niin a lang. chiang takin nani kha a hand ball, referee kha kuthnung suihin a ding, Play on pawh a ti miah lo, kha kha a tihsual lian tak a ni. Gomes pawh khan ball kha man thi mahse, referee khan playon a tih si lo chuan khatia a dah thla kha a tih awm tak a ni. A chhan chu Nani khan a tluk pah khan ball kha a khawih a, kha handball kha a ham loh chuan referee khan Play on a call ngei ngei tur a ni. Mahse a call ta si lo a, goal maksak tak a luh phah ta a ni.

Enge kha goal ah khan kan ngaihdan ??

Everton, Fulham leh Wolves chak

2010-10-30T14:35:00.000-07:00

Everton 1-0 Stoke

Tim Cahil a tal na leh riap rip khawp mai. First half ah si an inpelo ve ve, secondhalf ah goal khat a lut, he goal hi mual neitu lam hian an humhum tluan thei hram a, Everton hian hnehna an chang ta a ni. He goal hi Tim Cahill a thawhrah bawk an ni leh a, 67 mins ah, box pawn atangin kawh zetin a shot, goal ban a per a, hemi let lehlam hi Yakubu chuan keeper khawih hmanloh khawpa kawhin a thun.

Fulham 2- 0 Wigan

Goal hi first half ah ve ve a lut, he goal hnih Fulham tana thun tu hi lint Dempsey a ni. 30 mins ah Carlos Salcido siam chu Dempsey hian nalh takin a thun a, Fulham in hma an hruai. 43mins ah Dempsey bawk hian goal a thun leh, Chris Baird siam a ni. Goal dang a luh belh lo, Fulham an khelmualah 2-0 in an chak ta.

Wolverhampton 2 - 1 Man City

A zawnin City an chaklo ta, Premier League mawngphah an hnehlo. Wolves khelmual ah hian penalty hmangin City lam hian hma an hruai, 22 mins a ni, David Silva chaun penalty area ah ball a tlanluh pui a, a thailet leh thut, Richard Stearman chuan ball khawih lovin a kalh thlu, penalty referee in a ham.Emmanuel Adebayor chuan goal ah a chantir. 0-1 in City hian hma an hruai. minute 10 a tling vel chiah tihah Matthew Jarvis siam chu Nenad Milijas chuan Wolves siphurh sut nan a hmang. 1-1 a ni. First half ah goal a luh belh lo.

Second half 56 mins ah David Edwards chuan Wolves chakna goal a thun ta hlauh mai, he goal hi City lam hian an rul thei ta ngang lo a, tichuan City chu table ah 4 na an ni pha leh ta chauh.

Arsenal chhandamtu Song

2010-10-30T14:16:00.001-07:00

Arsenal 1-0 Westham

Robert Green a khel tha thlawt, Man of the match ah ka puang. Walcot shot a lo dan te kha rapthlak tak a ni. A video hi dah zung zung tu awm selang chuan duhthusam a nia.

Emirates Stadium ah mualneitu an talbuai, goal an thu thei lo, a chhan chu Westham siban nghaktu Robert Green a ni tlat. Arshavin leh Chamakh ten goal an thun thei thlawt lo, Westham hian theihtawk chhuah a Table mawngphah atanga talchhuah an lo tum ve mek bawk si. First half ah goal a awm lo.

Second half ah goal a lut tawh mai dawn emaw tih laiin Green-a'n vawi duai lo Arsenal laipui mu a lo dang. Arsene Wenger chuan 67 mins ah Denilson lachhuakin Theo Walcott a luhtir, hei hian nasa takin game a sawi danglam, mahse a pawimawh ber goal an thun thei lo. Palian Bendtner a rawn vawm lut bawk a. Arsenal hian goal thun tumin an theihtawk tak meuh meuh an chhuah. An nawr nat em avangin an taimak man chu an hmu ta. 88 mins ah set piece atang Alex Song chuan hnaisetsawtah a tauh goal ta, 1-0 hun tawp dawnah chuan hma an hruai ta hram. Westham lam hian hmatawng an neih that loh mai bakah Arsenal defender te an khawng em a vangin goal an thun ve thei ta lo. hun a tawp ta a, Arsenal chuan 1-0 in hnehna an chang ta a ni.

Chelsea in hma hruai chhunzawm zel

2010-10-30T14:04:00.001-07:00

Blackburn 1-2 Chelsea

Ewood Park-ah Blackburn chuan chakna an chang teuh kher mai. Blackburn hi englai mahin team chhia an ni ngai lo, Premier League ah chuan team tharum ngah ber pawl an ni reng thin. Inkhel hi a hmuhnawm kher mai.

Mual neitu lam hian goal an thun hmasa, 20 mins ah El-Hadji Diouf cross chu Benjani Mwaruwari chuan dinglam kil sirah a tauh lut a, Peter Cech a che hman lo, a thlir liam a ni ber. Premier League hmahruaitu an ni miau a, chak loh an duh lo, Chelsea chuan tan an han khawh phei ve leh.38 mins ah Didier Drogba siam chu Anelka chuan goal ah a chantir, Chelsea chuan an siphurh an rul ta. Goal dinhmun 1-1 a ni. First half a zo, goal dang a luhbelh hrih lo.

Second Half tan a ni, an innawr tawn, Blackburn hian an hneh mai dawn niin a lang leh thin, an khel tha a, 82 mins a Jason Roberts-a'n kepper chauh a awm tawh tih a, a pet goal loh kha Blackburn tan chuan a uihawm thlawt. Khatah khan goal kha thun ta chiah selang chuan Chelsea tan rawn rulhlehna hman a awm toh lo maithei. 1-1 in an inhnehtawk dawn emaw kan ti tawh, 83 mins ah Blackburn penalty box sir ding lamah Chelsea lamin ball an thai kual, Yury Zhirkov chuan theih leh theih lohin far post lamah a vawrh thla, tuma chan beh loh Branislav Ivanovic chuan sir takah a tauh lut ta hlauh mai. Chelsea chu 1-2 in hma a hruaipui ta, hunin a daih ta lo, chelsea hi 1-2 in an chak ta a ni.

Inkhel hmuhnawm tak a ni a, Tharum game a ni, mizo te tan chuan inkhel hmuhnawm tak a ni chiang bawk. Blackburn an tha em em, lo in hnehtawk pawh nise an phuin ka hria, hetih laiin Roberts thunloh kha a uihawm khawp mai, chelsea an chance neih an hmang tangkai. tu zawk zawk pawh kha chak se an phu ve ve. Chelsea hian points 5 in Table ah hma an la hruai chhunzawm zel.

Laliga Round Up

2010-10-24T11:31:00.000-07:00

Real Madrid 6-1 Racing Santander

Inrinni zan inkhel chu Ronaldo zan a ni ringawt mai alawm. Goal 4 ngawt a thun a, Higuain, Ozil, Canales leh Arbeloa ten an thun pui bawk. Lehlam atangin Diop chuan goal khat a rawn thun ve hram.

Barcelona chuan Real Zaragoza 0-2 in an lo hneh ve bawk a, Real Zaragoza lam atang hian Ponzia chuan red card a hmu a, an hmelma kumhlun Real madrid tan Ronaldo a che ropui ang bawkin Messi chuan 41, 65 mins ah te goal a thun a, 0-2 in khual khuaah hnehna an va chang.

Hetih lai hian season tan tirh laia hmahruaitu Valencia chuan an home ah Mallorca 1-2 in an hneh lova, Mallorca tan hian Castro chuan 6, 28 misn ah te goal a thun a, Valencia lam atangin Soklado chuan 35 mins ah goal khat a thun ve.

Premiership Sunday

2010-10-24T11:13:00.000-07:00

Manchester City 0-3 Arsenal

Manchester City lam khan red card an hmu hma lutuk a, inkhel a hmuhnawm tur ang pawhin a hmuhnawm ta lo niin ka hria. Inkhel tan atangin City lam hian an nawr na nghal hle, Arsenal chu an bet deuh zawk niin a lang. Tan atanga minute 1 lekah a goal nghal tep, Tevez a siam Silva in a lo khen kha goal ngat selang chuan goal nalh tak tur a ni.

Arsenal lamin Counter attack an nei a, 4 mins ah Marouane Chamakh ball tlanpui chu penalty area pawn hretah Dedryk Boyata chuan a kalh thlu a, Direct red card referee chuan a pe. Red car hi a awm hlih hliah, Boyata pawh hian phu a in ti a, engmah sawi buai lovin a chhuak. Red cad a hmu hma em a, a pawi ka ti, game a hmuhnawm dawn vei nen. He game hi a physical hle, card pawh an inhmuh chhawk zak zak. 20 mins ah a tam zawl Arsenal chuan Nasri hmangin goal an thun a, 39 mins ah Kompany chuan Fabregas a tihtluk avangin Penalty an chawi. Fabregas chuan petin, mawi takin Joe Hart chuan a lo dang. First half ah goal a luh beh lo.

City hi an that em avangin a tam zawk Arsenal pawh hian goal an thun thei mai bik lo, an innawr tawn zak zak a, City atangin Silva leh Tevez chu an khel tha chungchuang a, 65 mins ah Huth dan per chu chiang mangkhengin Alex Song chuan goal ah a thun leh. 2-0 in Arsenal hian hma an hruai ta. Tevez a inhliam a. Adebayor a rawn lut... a hnawk hle. 87 mins ah substitute Bendtner chuan Arsenal goal thumna a rawn thun, mikhual khuaah Arsenal hi 0-3 in an va chak a, League table ah 2 naah an inhlangkai ta.

Liverpool 2-1 Blackburn

Anfield inkhel hi a hmuhnawm khawp mai. Liverpool hian goal an thun hmasa a, 48 mins ah Corner atangin Kyriakos chuan Liverpool hmahruaina goal a thun. First Half ah goal dang a luh belh lo.

Second half an tan a, 50 mins ah Diouf chuan na vak lovin angle tawt tak kar atang chuan a pet a, defender in pet chhuah a tum chu Carragher lu ah a per, an lamah a goal ta, 1-1 a ni. he goal a luh hnu minute 3 lekah Joe Cole cross chu Torres chuan chiang takin a tauh lut, Liverpool hian 2-1 in hma an hruai ta a, goal dang a luh belh lo. Relegation zone atangin an la talchhuaklo na a, hetianga an khel chho zel dawn a nih chuan relegate chu a hlauhawm lohvang.

Stoke 1-2 Manchester United

Javier Hernandez head goal dan kha a mak thlawt, sega football kan khelh thin laia tukhuma kawh deuha kan head goal te kha min ti hrechhuak. Hetianga head goal hi football ka en tawhah ka la hmu ngai lo. Grass a nal nge, a tu zawk zawk pawh khan ball an pass sual deuh reng a, Stoke lam hian tharum an ngah zawk. 27 mins ah Nani corner pet chu farpost atangin Vidic chuan 6 yard box ah a rawn tauh lut a, Javier Hernandez chuan a tukhumin mak leh dangdai takin a tauh lut. 0-1 in United hian hma an hruai. First Half ah goal dang a luh belh lo.

Second half tan a ni, clear chance an nei lo ve ve, 66 mins ah Striker che tha lo Walters chu Sanil chuan a rawn thlak a, hepa ngei hian 81 mins ah goal nalh lutuk a thun. dinglam sir atangin ball a laluta, Evra a bum, a veilam chuan a thuai ta a, van der sar tan khawih phak a ni lo. Goal nalh tak a ni. Goal dinhmun chu 1-1 a ni a, United hian an chindan pangaiin an draw leh mai dawn emaw tih laiin, Javier Hernandez bawk chuan Evra siam chu pen 4 vel lek atangin a thun leh ta. 86 mins a hmahruaina goal a thun hnu hian goal dang a luh belh ta lo. United chu khual khuaa an tun season a an chak vawikhat nan 1-2 in Stoke an hneh ta a ni. Hetih lai hian Gary Neville hnawhchhuah a ni lo kha United vanneih na a ni.

Rooney United-ah kum 5 dang a cham leh dawn

2010-10-22T12:39:00.000-07:00

"United hi ka chhuahsan duh a ni, United hmathlir hi a eng lo lutuk a, chhuahsan ka duh a ni".City lam a hawi,.. thu lengvak a tam, Rooney chuan United a chhuahsan tak tak dawn ta niin a lang. A team mate te pawh he thil avang hian an tawngchhuak hial.

Amaherawh chu Rooney chuan kum 5 dang atan rinawmna thutiam a ziak thar leh ta. Manchester United manger a lawm a, club thuneitute pawh an hlim, fans te hlei hlei an lawmzual. Amah Rooney ngei pawh a thaw huai . England International kheimit hliam avanga kar thum chhung chawl tur hian contract thar kum 5 daih a sign leh thei chu a lawm khawp a,

"Contract thar United a ka ziak leh thei hi ka lawm khawp mai. Kan manager leh club neitute nen kan indawr a, hei chauh hi a ni ka in neih chhun chu tih min hriatnawntir leh a, hei vang hian contract hi ka ziak thar leh ta a ni.He Club chhunga thawk zawng zawngte hian United ropuina chhuanawm tak chu an la vawngnung zel , hei chiah hi a nia United ka zawmchhan kha. Ni reilote kalta chanchin khan fans tam tak a ti hnual, a chhan chu hmathlir thuitak United ah hian ka neih vang a ni . He club ka zawm tirh hian fans ten min lawm em em, an tan trophy tam zawk la turin ka theihtawk ka chhuah zel ang", tiin contract thar a sign chungchang a sawi.

Sir Alex ferguson pawh a thaw huai mai,"Kar hrehawm tak a ni, hetia Wayne-a'n United a cham rih a duh thu min hrilh leh hian ka lawm lutuk a ni.Tukin zing khan Kan inbia a, khang thu a sawi te kha a inchhirthu min hrilh, a team mate te chungah pawh ngaihdam a dil bawk a.Fans te hnenah pawh ngaihdam a dil leh bawk ang.

A chhan chu kan vaiin hrehawm kan ti khang ni hnih thum chhung khan. Mahni tihsuala ngaihdam dil ngam mihring chu keipawhin engtik laipawhin ka zah thin. Contract thar a ziak leh hi ka lawm takzet a ni, a chhan chu United ka enkawl chhung hian hetia chhuah min dil hi Ronaldo tih lohah chuan a ni chiah hi a ni. Ronaldo kha chu ka hrethiam em em, kum 6 lai kan hnenah a awm, a chhuanlam te kha ka hriatthiam pui em em, hnam ze dang atanga rawn pem kha a ni a. Kan vaiia kan tihtur hmasa ber chu heng thil zawng zawng hi theihnghilh vek a, Rooney pawh a khelh dan pangaia tha taka khelh tir leh a ni.

Vawiin hi Manchester United tan ni lawmawm tak a ni a, Manchester United hi khawvela Club lianber kan ni tih hi i theihnghilh lovang u", tiin hun hrehawm tak an paltlang dan leh khang thil hahthlak tak te kha theihnghilh a hun tawh thu a sawi.

Rooney hian 2004 khan Everton atangin £25.6m in United hi a zawm a, Mancheter united hi European Cup, Club World Cup, League Cup, FA Cup and league title 3 a lak pui a. A contract hmasa hi 2012 hian a hmang zo dawn, tunah chuan United fachuam hian rinawmna thu June 2015 theng a ziak leh ta. Manchester United chhungkua khawvel hmun hrang hrang amite chu he thu an hriat hian an lawm em em a ni.

23.10.2010 Saturday Update

He United Striker natuka kum 25 tling mai tur hi tunah chuan Football player zawng zawng zinga hlawh tam ber a ni dawn ta. Kar khatah £250,000 a hlawh dawn a nih chu !!! Cristiano Ronaldo leh Lionel Messi te aiin a hlawh hnem ta zawk. Yaya Toure chu Premier League player hlawh hnem ber a ni a, kar khatah £185,000 a hlawh a ni. United Chief Executive leh Sir Alex Ferguson te chuan Rooney phut, player tha lakluh chu tihhlawhtlin an intiam a, tun atanga reiloteah World Class star leinan Cheque Book an hawng dawn.

Ferguson chuan" He club hian player tha tak tak kan lo nei tawh thin, George Best te leh David Beckham te chu he club hian a chhuah phal, mahse Rooney hi chu a kal chhuah kan phal lo a ni", tiin Rooney an duh zia a sawi a. "United neitu Glazzer te hi ka rin loh hun hunah keipawh hian United hi ka chhuahsan dawn ani, mahse tunah chuan chhuah ka la tum lo, heihi Rooney pawh hian hria se, United ah hian rinna ka la nghat ngam a, keipawh min ring tur a ni", tiin United a a dinhmun a sawi.

Hetih lai hian Old Trafford fans te atanga ngaihdan an laknaah 54% te chuan Rooney hi an ngaidam a, 25% te erawh chuan 'Sum duh tiin' an la ngaidam thei rih lo. Nizan hmasa lama Fans 40 vel Rooney inkawta pungkhawm te chuan an thenawm a cheng Leanne Brown, 33 chu Coleen emaw tiin an tawng a, henu pawh hi a lo raipuar ve kher bawk nen, na tak takin an an khum. Hliam leh na tuar lo mahse a hlauh em em thu a sawi.

Drug addict Paul Gascoigne

2010-10-22T04:17:00.000-07:00

Nimin 21.10.2010 tlai thil thleng a ni, Paul Gascoigne chuan drug a lo kawl avangin a chenna Newcastle ah Northumbria Police te chuan an man. A rual hian drug lo supply tu chu man a ni ve nghal bawk.

He England player hlui ,kum 43 hi Police kutah a awm mek a a ni. Gazza hian ni nga pawh a la liam hma khan zu rui chungin motor a khalh a, Police ten an man tawh bawk a, Newcastle Magistrates' Court a inlan tur a ni, hetah hian thubuai siam sak a nih chuan Jail bang zut thei dinhmunah a ding mek. Hetih lai mek a drug kawl thubuai a nei leh ta hi a zialo hle mai. Thubuai rip zawk nei thei a ni ta.

Kan la hre vek awm e, Gazza hi player tha chungchuang, English player awm tawh zawngah chuan mipui lawm hlawh ber leh thiam an tih ber a la ni hial awm e. 1985 atang khan a football career tak tak chu atan a, 85-88 ah Newcastle United ah a khel a, 88-92 ha Tottenham ah, 92-95 khan lazio ah khel lehin Rangers, Middlesbrough, Everton, Burnley leh Boston United ah te khel kualin, 2004 khan football a chawlhsan a.

Ram tan hian 1988-1998 thleng a khel a, vawi 57 khelin goal 10 a khung hman.Zu heh mi a nih avangin a nihtur a ni pha lo, inhliamin a tlakbuak ve chhen bawk nen, English mipui ten an lawm em em laiin a mah leh amah a intichhia a, tun thleng hian a talbuai chho ta a ni.

Fans lungawilo Rooney inkawtah pungkhawm

2010-10-21T21:13:00.000-07:00

Manchester City zawm a tum thu a sawi thawi,Wayne Rooney chuan United fans a ti thinur kher mai. Nizan dar 8:00 PM vel bawr khan United fans engemawzat chu Rooney in kawt Prestbury, Cheshire ah an pungkhawm.

Banner an keng a, "City i zawm chuan i thi ang", tih te a ni hlawm. Rooney hi inah a nupuite nen an awm a, Fans te hian intercom in Rooney chu an phone, " United i chhuahsan duhna chhan tak tak min hrilh rawh, rawn chhuak rawh, kan ti na lovang che", tiin an au. Rooney hian a security camera atangin a lo thlir reng a, Police a ko a, Police 8 an rawn thleng vat a, heng mite hi an kalsawn a nih loh chuan an man tur thu an hrilh. Tichuan buaina dang awm lovin fans te hi an kal sawn ta a ni. Zankhuain Rooney leh a chhungte hi police te hian an veng a, chanchin duhawmlo thleng a awm lo.

Rooney hian chhuah a tum thu a lo sawi tawh a, "United future plan ah player tha lak luh tumna a awm lo, kei erawh chuan player thate chaw lut ila, team tha in din ila, champion ka duh a ni, mahse hetiang plan engmah a awmloh avangin chhuahsan ka duh a ni", tiin a chhuahduh thu a lo sawi. Hetih lai hian fans pungkhawm 40 zinga an hruaitu chuan "He a chhuah duh chhan a sawi hi kan awih lo, thil dang a awm a niang. Chu chu a chhanna kan duh a ni " a ti a. An zinga pakhat leh chuan "Amah hi tihthaih tum kan ni lo, keinite chu fans mai kan ni. Mahse City zawm a tum hi bansan rawh se, a chhan chu thil tha lo tak a ni", tiin .

Rooney hian fans te a tilungawilo hle ni tur a ni, Tin, City zawm a tum tih an han hriat ngat phei hi chuan an hmelma kumhlun lama a kal tur chu an ngaingamlo a, hetiang hian an che ta niin a lang.

Football hi a ropui a, a hlu a, sum a tam. hetih lai hian mitamtain nunna an chan phah tawh bawk. Fans te hi Club ropuina leh club innghana an ni. Hetih lai hian fans te lungawiloh zawnga chet chu thil thalo tak a ni. Rooney pawh hian a ngaih ang chu a ni dawn hauh lo, luhlul chu a luhlul, khelmual chhungah pawh a talna bawk, hlauh neilo ang maiin. Mahse fans lungawilo tawng chu thil rapthlak tak a ni tih a hrechho ve dawn niin a lang.Ex-England boss Graham Taylor kum 66 chuan nizan lala khan Rooney chungchang hi a lo sawi ve nghal a, "Rooney hian City a zawm ngat chuan a damchhungin venhimna a mamawh tawh ang", tiin fans te hlauhawm zia leh an duhloh zawnga khawsak pawizia a sawi lang.

Messi, Messi

2010-10-20T21:01:00.000-07:00

Nizan chu TenSport ah Barcelona leh FC Copenhagen an live a. Ten Action lamah Inter leh Tottenham an live bawk. A hmuhnawm veve tho mai. barca te inkhel hi a hmuhnawm tho rualin game an thunun lutuk a, inkhel hmuhnawm takchu a ni em em lem lo. Messi offside lo selang chuan hat trick a siam thei tur kha a nia.

First Half tir lamah goal a thun a, hun tawp dawn ah a thun leh. Messi a khel tha khawp mai. Hetih lai hian Xavi inhliam vanga hmun chang Mascherano chu a khel tha rem rem hle mai. FC Copenhagen defender te hi nalh tak tak vawi engemaw zat Barca hmatawng hian an thiat, mahse goal an thun zung zung thei bik lo, Messi hian goal thun thunna chance pawh a nei nual bawk.

Group D inkhel ah hian lehlamah Panathinaikos leh Rubin Kazan chu 0 - 0 in an in draw a, Barca hian point 7 neiin hma an hruai a, FC Copenhagen chuan point 6 neiin an dawt a, an ni pahnih hi tlangchho tura rinkaiber an ni.

Champ Lge Group D table snapshot

As it stood on 20 Oct 2010 23:59 UK

Position	Team	P	GD	PTS
1	Barcelona	3	6	7
2	FC Copenhagen	3	1	6
3	Rubin Kazan	3	-1	2
4	Panathinaikos	3	-6	1

Inkhel hmuhnawm Inter 4-3 Tottenham

2010-10-20T20:29:00.000-07:00

Inkhel hmuhnawm tak a ni, Sansiro Stadium ah Inter milan hian Tottenham an mikhual, Spurs Keeper Gomez an hnawhchhuah hma em avangin First Half chu Inter chan a ni.

Goal a va han lut hma tak em, Tottenham lam an lo inrem fel hman lo, tan atanga minute khat lekah Eto pass chu Javier Zanetti chuan goal ah a chantir, minute 1 lekah inter hian 1-0 in hma an hruai. 7 mins ah Heurelho Gomes chuan Jonathan Biabiany chu Penaltu box ah a lo bawh thlu, referee chuan penalty a ham mai bakah Gomez chu redcard a pe nghal. Luka Modric chu a tlawmngai a, Carlo Cudicini chu tottenham goal ah a ding, Eto an penalty a pet a, a goal chiang kher mai. minute 7 lek atangin Tottenham chuan 10 a an khelh a ngai ta. 13 mins a ni, Eto siam bawk chu Dejan Stankovic chuan Penalty area pawn atangin chiang takin a thun. Inter hian minute 15 pawh tling lovah 3-0 in hma an hruai ta vung mai.

Game ah Spurs hian an hneh lo tual tual, goal dang a luh belh nual dawn niin a lang. 34 mins ah samuel eto chuan Inter tan goal a thun leh a, First Half ah 4-0 in hma an hruai ta. Kimlo Spurs tan secondhalf chu a huphurh awm dawn kher mai.

Second Half a ni.Tottenham chu an rawn in sawi danglam deuh, 51 mins ah Gareth Bale chuan goal khat a rawn thun ve hlauh, Inter hian game an thunun zel , mahse firsthalf ang em em kha a ni tawh lo, Spurs an rawn tang chho, kimlo ni mahse an kimlohna a langlo chho tual tual. Hun a tawp dawn hnai, 89 mins a ni, Inter an lo inthlahdah deuh a niang, Penalty area kil sir atang chuan Bale bawk chuan Spurs tan a goal hnihna a rawn thun leh, Hun a tawp tep, Spurs an phur thar, 90 mins ah Aaron Lenon chuan Bale a pe a, penalty area chhung atang chuan dinglam kil sir ah chuan a pet, Gareth Bale chuan champions League a a Hat trick hmasa ber niturin a goal leh ta. 4-0 ani ta.

Amaherawh chu hunin a daih ta lo, Referee chuan a ham tawp ta a, Tottenham an tang tlai hret, hun a tawp chuan Inter hi 4-3 in an chak ta a ni. tottenham an huaisen a, an kimlo chung pawhin goal thum an rawn thun let thei hi an fakawm a ni. hun chu la awm selang chuan an rawn draw thei maithei a ni.

Group A match dangah hian FC twenty leh Werder Bremen chu 1-1 in an lo indawr ve a, Tottenham hi an vannei, an chakloh a langsar ta lo. Inter in hma an hruai a, Tottenham hian point 4 neiin an dawt a ni.

Champ Lge Group A table snapshot

As it stood on 20 Oct 2010 23:59 UK

Position	Team	P	GD	PTS
1	Inter Milan	3	5	7
2	Tottenham	3	2	4
3	Werder Bremen	3	-4	2
4	FC Twente	3	-3	2

Rooney telloin United chak

2010-10-20T20:07:00.000-07:00

Nizan Champions League match ah Manchester United chuan bursaspor an lo mikhual. United hian rooney chu an chhuah dawn tak tak ta niin a ngaih theih, Squad ah pawh telh a ni lo. Hetih lai hian United chu Rooney lo iak lo iak ve chuan a ti buai pha chuang lo.

A laiah Samlliong leh Vidic te an ding, an defence line a phui tha khawp mai, hmatawngah Macheda chu a awm a, Nani a tawlh hma bawk, midfield ah Anderson, Carrick, Park leh Fletcher te Ferguson a hian a rem khawm a. Tan atanga reilo te 7 mins ah Fletcher-a siam chu Nani chuan penalty area pawn atangin a shot, Bursaspor keeper Ivankov dan hman loha lohin veilam kil ah chuan a lut a, United chuan Oldtrafford ah hma an hruai a.

Inkhel hmuhnawm pangai tak a ni, goal dang a luh belh lo, Macheda chuan goal thun na chance an nei nual, mahse a zan a ni lo a niang. Nani a khel tha a, Anderson chu Hernandez an a rawn thlak a, Park pawh Orbetan in a rawn thlak bawk. Goal dang a awm ta lo, Minute 7 a Nani goal chu chakna goal a ni ta. United hi 1-0 in an chak ta a ni.

Hetih lai hian an Group ah Rangers leh Valencia chu 1-1 a an lo indraw avangin United hi Group C hmahruaitu an hi ta a, He game ah hian mak ve angreng tak chu Goal hi edu thun ve ve a ni a, an lamah a tih luh hnuin an si phurh chu a rul leh

Champ Lge Group C table snapshot

As it stood on 20 Oct 2010 23:59 UK

Position	Team	P	GD	PTS
1	Man Utd	3	2	7
2	Rangers	3	1	5
3	Valencia	3	3	4
4	Bursaspor	3	-6	0

Tuesday 19th October 2010 UCL thlirletna

2010-10-19T20:51:00.000-07:00

Emirates Stadium ah Arsenal hian Shakhtar Donetsk chu 5-1 ngawtin an lo nawp a, Arsenal hian Champions League knockout phase lut turin poin an nei tha hle.

First half ah 2-0 in Arsenal hian hma an hruai a, Shakhtar keeper Pyatov man pial chu 19 mins ah A. Song chuan Arsenal tan goal ah a chantir a, 42 mins ah Nasri chuan goal a thun veleh a, Halftime ah 2-0 in hma an hruai.

Second half an tan a, Arsenal game a mawi, a rang bawk. 60 mins ah Silva Luiz Adriano chuan Johan Djourou box chhungah a titlu a, Arsenal lamin Penalty an hmu. Frabregas chuan goal ah chantirin Wilshere chuan 66 mins ah Champions league a a goal hmasa ber arawn thun ve leh bawk. 69 mins a tal natak Chamakh chuan a ma pualin goal a thun ta nge nge a. 5-0 hian an chak mai dawn emaw tih hnuah 82 mins ah Eduardo chuan Shakhtar tan goal khat a rawn thu ve hlauh a. hun a tawp ta, Arsenal hi 5-1 in an chak ta a ni.

Spartak Moscow 0-2 Chelsea

Moscow ah an khel. Game tan hma a ni a, Chelsea hian 0-2 in hnehna an va chang. Goal hi First half a lut ve ve a ni a, 23 mins ah Yuri Zhirkov chuan penalty area pawn atangin a shot, ding lam kil sir ah a lut, goal nalh tak a ni. Chelsea hian hma an hruai a, 42 mins ah Michael Essien a siam chu Nicolas Anelka chuan Penalty area chhung atangin awlsam takin a thun, goal dang a luh belh ta lo, Chelsea hian khual khuaah 0-2 in hnehna an chang ta a ni.

Marseille chuan 1-0 in MSK Zilina an hneh a, Goal awmchhun hi 47 mins a Diawara thun a ni. Bayern Munich pawhin an khelmualah 3-2 in CFR Cluj- Napoca an hnehbawk.

Ajax chuan Auxerre 2-1 in an hneh a, he game hi a hmawhnawm kher mai. red car pathumin an hmu a, Ajax tan De Zeeuw leh Suarez ten an thun a, Birsa chuan mikhual tan goal a thun ve bawk. He match ah hian Ooijer chuan Ajax lam atangin red card a hmu a, Oliech leh Mignot te chuan Auxerre lam atangin red card an hmu ve bawk.

Roma chuan 1-3 in Basle an hneh a. Borriello chuan Roma tan a thun a, Frei leh Inkoom leh Cabaral te chuan Basle chaknan goal an thun theuh a ni. Braga chuan 2-0 in Partizan Belgrade an hneh, Braga goal hi Lima leh Matheus ten an thun.

Real Madrid 2-0 AC Milan

2010-10-19T20:25:00.000-07:00

Bernabeu ah AC Milan chuan La liga hmahruaitu an rawn luhkhung. Mahse an tum angin thil a kal tluang lo, Ronaldo inhliam rawn dam leh goal thun chak a thaw huam huam chu an dang zo lo a ni ber mai.

Nizan Champions League game ah hian Real hian 2-0 in Milan an lo hneh a, goal hi first half a lut ve ve a ni. Minute 13 ah real chuan penalty area pawn hret atangin free kick an hmu a, Ronaldo hian a pet, a goal chiang hle mai. He free kick a pet dan hi a risk nge, Milan wall te kha an zuang darh dawn tih a hre lawk ve hrim hrim zawk ? Wall karah a pe phei a, goal keeper a che hman lo. Goal nalh tak a ni. A hnu minute khat lekah Ronaldo chuan veilam sirah ball a khalh phei a, a cross thla chu Ozil in a shot, defender a pet per a, keeper a lo dive tawh hman si, ho lam deuh chuan goal ah a lut leh ta mai a.

Second half an khel leh a, goal dang a luh bel lo, Hun a tawp chuan Real hian 2-0 in Milan hi an hneh ta a ni. Game pumpui tlir chuan Real Madrid hi an khel tha zawk a, chak an phu em em. An game a rang a, Milan hian an chelh lo a ni ber. Lehlamah Ac milan tan Ronaldinho chuan tun hma a tluk tawh lo tih a lang chiang hle mai. Ball a keng thei lova, a pass dik thei bawk lo, midfield ah ball an hloh nasat avangin attacking pawh an nei na thei lo a ni.

Real pawh hi an vannei ve deuh chu niin a lang an goal luh dan en kha chuan. Goal hnuhnung phei kha chu dan pial per lut a ni a, minute hnih chhunga goal hnih an chhuah kha Milan tan a pawi em em, insiam that an tum a, an tumpui kha real an lo ni tlat bawk si, Bernabeu ah tlawmzawkah an tang ta a ni/

United chhuahsan ka duh - Rooney

2010-10-17T20:31:00.001-07:00

Wayne Rooney chuan Manchester united chu chhuahsan a duh thu nimin khan a sawi. Rooney hi tunah contract thar an zawrh mek a, mahse hei hi a sign duh ta lo. manchester united chu chhuahsan a tum chiang ta niin a lang.

Thal 18 lek united ah hian Contract a nei tawh, tunah contract thar an zawrh hi a sign duh tak lohah chuan January transfer window hian manchester united tan chuan an hralh mai a tha ang, free transfer a a chhuah ai chuan.

World Cup atang khan Rooney hian khelh that a nei tawh lo ti ila kan sawi sual lovang. Hetih lai hian a nupui rai laiin KS a lo khawsak pui bawk nen. England mipuiin an en dan a dang a, united fans ngei ngei pawhin khelmualah an lawm tawh lo. Goal a thun thei tawh lo, Sir Alex pawhin a hma ang em em a duhna kha a tlahniam tawh ni ngei tur a ni. A inhliam chhuanlamin bench ah a thut tir ta zauh zauh.

Inrinni a West Brom nen an inkhel pawh khan bench ah a thuttir a, second half ah a lut ve tawk. Ferguson zahngaihna a tawp ta niin a lang, Ferguson a la chawlh hmel si lo a, Rooney hi a chhuah zawk mai a ngai dawn ta. Old Trafford ah chuan Sir Alex han khing pa tur khawpa lar an awm lo. Hetih lai hian Real Madrid chuan £80million an lo ngam ve mek. Free Transfer a achhuah mai ai chaun January thla hian an chhuah mai a rinawm ta. Tin, amah Rooney ngei pawh hian chhuah a duh thu a sawi mek bawk a, heti a nih chuan United fachuam hian rinloh em emin united chu a chhuahsan dawn ta niin a lang. Manchester City pawhin Rooney hi an duh tho, City hi club hausa an ni a, rooney man tur leh a hlawh tur chu an pe thei em em tho, Ronaldo nge Tevez a hnung a zui zawk dawn hriat a la ni lo, thu chiang tak chu Rooney hian chhuah a duh tih a ni.

Real Madrid tan Barca in kawng an hawng

2010-10-17T20:12:00.000-07:00

Barcelona chuan Real Madrid in hma an hruai theih nan league hmahruaitu Valencia an hneh. Inrinni zan inkhel ah khan mikhual Valencia chuan Pablo hmangin half time hma hretin hma an hruai a. Seconda half ah Barcelona rawn tang er let chu Valencia chuan an ngamlo ta a ni. Andres Iniesta leh Carles Puyol chuan Barca tan goal an thun a, Barcelona chu Nou Camp ah 2-1 in an chak ta a ni.

Real madrid chu Malaga CF khelmual Estadio La Rosaleda ah an va zin a. First half ah 0-2 in Real hian hma an hruai.28 mins ah Ronaldo chuan higuain tan ball a vawrh sak a, Higuain chuan nal zet in a thun. Ronaldo hi a che tha em em.. 42 mins ah ozil chuan Ronaldo a siam a, Ronaldo chan defender kap karah cook takin a thun. Halftaime ah 0-2 in hma an hruai.

Second half tan a ni. 50 mins ah Penalty hmangin Ronaldo chaun a goal hnihna a thun a. 55 mins ah Malaga tan Stadsgaard chuan goal khat a rawn thun ve a. Higuain chuan a goal hnihna a rawn thun ve leh ta bawk a. hun a tawp zui ta, real chuan 1-4 in hnehna an chang ta a. Hmahruaitu Valencia chu Barca in an lo hneh avangin Real hi Laliga hmahruaitu an ni ta.

FIFA member zingah vote hralh tum an awm

2010-10-17T13:00:00.000-07:00

2018 Worlcup thleng tur chu december thla hian vote hmanga tihchian a ni dawn. England, Russia, Spain/Portugal leh Holland/Belgium te chuan thlen an inchuh mek. Hetih lai hian executive committee 24 zinga pahnih te chuan an vote hlutak hralh an lo tum tih hriat chhuah a ni.

World Cup thlen hi ram tan a hlawk a, ram chhunga company te tan hlei hlei hian a hlawk zual. Chu chu hre ranin American Company te chuan he tournament hi USA a ngah a nih theih nan theihtawk an lo chhuah ve a, Amos Adamu leh Reybald te chuan an vote hi he mite hnenah hian hralh an lo tum niin, hriatchhuah a ni ta a. Adamu hi West African Football Union President a ni a, Temarii hi Oceania Football Confederation President a ni bawk.

Hetia thil tawp tak FIFA member chhunga a lo awm hi FIFA president Blatter chuan pawi a ti em em a, an member pahnih te hming The Sunday Times a a rawn lang kha a zahthlak a ti a, FIFA chuan member dangte pawh an lo inhnamhnawih takin tiin tunah hian investigation an nei mek a. Vote hi December ni 2 a thlak tura ruahman a ni. Hetih lai hian USA chu 2018 World Cup thlen diltu zing atangin a inhnukdawk a, 2022 Worlcup chu then ve a dil ta zawk a. heti a nih chuan FIFA WC 2018 chu Europe ramah nghah a ni mai dawn ta niin a lang.

Man City hi champion thei an ni

2010-10-17T12:28:00.001-07:00

Manchester City hi chak zawk tura rinkai sa an ni. Amaherawh chu an han inkhel ta chiah, Blackpool chu an lo khawng ve tho mai. First Half ah goal awmloin an inhnehtawk.

Second Half an tan a, goal a lut mai lo. 67 mins ah David Silva siam chu carlos tevez chuan hnai set sawtah a thun ta. 0-1 in City in hma an hruai. Blackpool home a ni, an mualah an zam mai bik lo. 77mins ah Charlie Adam siam chu Marlon Harewood chuan goalah a chantir. an siphurh a sut a. City in an thah leh chiah Tevez chuan 78 mins ah goal a thun leh ta mai a. Hun a tawp tep , 89 mins a ni. James Milner chuan penalty area ah ball a pe lut a, David Silva tan goal thunna chance a siam sak, Silva chuan veilam kil sirah chuan chiang zet in a chhuih lut a, City hian 1-3 in hma an hruai ta, 1-3 in an chak tawh mai dawn emaw tih laiin Blackpool lam chuan tlawm an la tum mai bik lo. Added tim 90+3 ahGary Taylor-Fletcher chuan Blackpool tan goal hnihna a rawn thun ve leh a, hun chuan atawp hnan ta. Manchester City chuan 2-3 in Blackpool an hneh ta.

City hi League table ah pahnihna dinhmunah an rawn inhlang kai chho ta a. Chelsea hmahruaitu chu point hnih chiahin an thlau ta. Nizan lamah United chuan an tumpui an draw a, Chelsea pawhin an tumpui an draw bawk a, city hian pahnihna dinhmun an rawn luah chho ta a ani.

Tun season chu City hi team tawhkhirh ber an ni chho ta, Premier League ah chuan an ni aia squad nei tha hi an awm lo. A dawtah Chelsea an ni. Player leinan sum tam tak an seng a, tin manager an nei tha bawk. Tunah a rah chu an hmu chho mek, champion thei dinhmunah an rawn in hlangkai chho ta. Tunah chuan Premier league ah big four an awm bik ta lo, a hmuhnawm chho zel dawn e.

Roy Hudgson ban a hun ta

2010-10-17T12:12:00.000-07:00

Neitu thar hnuaiah pawh an la chak thei chuang lo, a eng ber lai hi nge dik lo tiin an inzawt an inzawt ta. Merseyside derby hi a tir atangin a hmuhnawm nghal. Everton home a ni a, Liverpool chuan tunlai an record a chhiat em em lai a nih avang leh neitu thar an neih avangin chak ngei an tum.

Liverpool hmatawng Torres leh Lucas te an ni. Everton lamin Yakubu leh Osman an dah, tin pate, mahse zuangsang leh finishing tha em em Australian Cahill chu striker pui turin attacking ah a awm bawk. 33mins a ni, Seamus Coleman chuan dinglamah bal chak takin a tlan phei pui a, near post ah lei hrulah a pe chho keuh, Cahill ngei mai chuan kawh zet zawtin Reina man hman lohin near post ah chuan a pet goal ta. 1-0 in Everton hian First Half ah hma an hruai.

Second Half tan a ni. Tan atanga minute 4 lekah Everton chuan Corner an hmu. Ball rawn per chhuak leh chu Arteta chuan keeper zawnah kawh zetin a pet, Reina a che hman lo. A goal leh ta, Everton fans te lawmin an au a, an huat ber Liverpool lakah 2-0 in hma an hruai ta. Liverpool chuan theihtawk an chhuah, Torres chuan first half lama a khelh chhiat hliah khuh tumin theihtawk a chhuah, goal pawh a thun teuh. Amaherawh chu Distin leh Neville te an chet that em avangin goal an thun thei ta lo. Referee chuan hun a ham tawp ta. goal dang a luh belh lo a, Everton chuan 2-0 in an hmelma kumhlun Liverpool chu an hneh ta.

Game chungchang chu kha ti kha a ni deuh mai. Everton lamin chak an phu, engatinge club hlun leh Champions League te meuh pawh lo champion tawh Liverpool hi an chet chhiat tak reng ? An manager Roy Hudgson hi an thlak vat a ngai a ni. Compensation 3m pound vel pek a ngai dawn. Chu mi pek a chhuahtir mai chu a na em ? kei chuan pe se, chhuahtir mai se, midang manager tha zawk lalut se an tihfuh ka ring. A chhan chu January transfer window a rawn inhawn leh hunah club neitu thar NESV te hian 40 million pound chu player thar leinan thehchhuah an rem ti. Heng pawisa zozai hmang tur hian Roy chungah hian rinna ka nghat ngam lo.

Dik tak chuan a player te hi han en ila, player tha tak an la ni hlawm, engatinge draw pawh sawi loh 2-0 laia a chakloh pui, a neih ang ang hi heti pawha a hmang thiamlo a nih chuan player thar dang pawh chaw lut pawh nise, engahmah a chhuah ka ring chuang lo. Chuvang chuan Liverpool hian a rang thei ang bera manager thar, World class manager an lak luh vat a ngai a ni. 3 million pound vel chu compensation atan lo pe ta pawh nise, relegate ai chuan a la hlawk fe zawk.

Hetihian Liverpool chu a table ah a hnuaiber dawt an ni ta a, westham chungah an awm. Everton chu kai chho dawrhin 11-naah an inhlang chho a, Liverpool kan han sawi viau lai hian Everton hi team tha an ni a, season bul an tan thalo mai a ni, tunah an insiam thar chho mek a, an striker pahnih Saha leh Anicheble te an dam chhoh hunah phei chuan Premier League team hlauhawm ber pawl an rawn ni leh thei ngei ang.

Premiership saturday thlirkirna

2010-10-17T00:15:00.000-07:00

Chelsea chuan point sariha hma an hruai fal theihna chance an hlauh leh ta hlauh mai. Aston Villa chu goal awm lovin an hnehtawk. Chelsea hian tunah hian poin 5 in hma an la hruai a ni.

Fulham tan Kamara chuan 30 mins ah goal a thun, a hnu minute 1 lekah Pavlyuchenko chuan Tottenham siphurh a rul, Second Half minute 63 ah Huddlestone goal nalh lutuk chu Tottenham chuan an chak pui. Hun a tawp chaun 1-2 in tottenham an chak ta a ni.

Bolton chuan 2-1 in Stoke an hneh a, Lee chuan 22 mins ah goal hmahruai a thun a, 48 mins ah Delap chuan Stoke siphurh a rul. Added time 90+2 ah Klasnic chuan Bolto chakna goal a thun, 2-1 in Bolton hian hnehna an chang.

Newcstle chuan Wigan an draw hram. First half ah Wigan hian 2-0 in hma an hruai, N'Zogbia chuan 22 &23 mins ah goal a thun, 72 mins ah Ameobi chuan si khat a rawn thun ve leh a, Added time 90+4 ah Coloccini chuan an siphurh a rawn rul. hun a tawp a 2-2 in an inhnehtawk ta a ni.

Arsenal chuan United an leh pel ta

2010-10-17T00:01:00.000-07:00

United in Wes Brom an draw, hetih lai hian Arsenal chuan Birmingham 2-1 a an hneh avangin League ah pahnihna dinhmunah an inhlangkai.

Birmingham lam hian goal an thun hmasa a, 32 mins ah Keith Fashey cross chu Nikola Zigic huan Arsenal goalah a tauh lut, 0-1 in mikhual hian hma an hruai. Arsenal chuan an nawr a, an game pawh a nalh. 40 mins ah penalty box chhungah tlu chungin Birmingham defender Scott Dann chuan Chamakh chu a va tlawh hram, tlukna khawp a na a ni lem lo, mahse penalty hlawhna a nih phawt chuan tluk kha chamakh tan chuan a awm, a tlawh fuh tlat avangin. Referee chuan penalty a ham, Nasri chuan petin an siphurh a rul. Halftime a ni a, 1-1 in an inhnehtawk.

Second Half tan a ni, 46 mins lekah Jack Wilshere siam chu Chamakh chuan chiang set sawtin hnai takah chuan a thun, 2-1 in Arsenal hian hma an hruai ta. Arsenal an ding khawng a, ball pawh an chang tam zawk, Brimingham tan chance a vang hle. Hun tawp dawn a Jack Wilshere chuan Nilola Zigic chu a tlawh a, Jack Wilshere hi red card pek a ni. Birmingham tan a tam zawk an nih hman tangkai nan hun a tlem tawh em a ni, hun a tawp zui ta. Arsenal chu 2-1 in an chak ta a ni.

Van der sar a'n a khilai

2010-10-16T23:47:00.000-07:00

World Class Goal keeper a chesual khauh mai. Nizan Premier League Man Utd leh Wes Brom inkhel 2-2 in an inhnehtawk a. United hian tun season a an tih than si hnih faia hma hruai zet hnua in draw pui leh chu an la chhunzawm zel e.

Manchester United hian Rooney bench a an thuhttir chung pawhin bul an tan tha. Tan atanga minute 5 lekah Nani free kick chu Carson an a lo dang per a, Hernandez chuan tuma tih buai hman lohin a rawn dawk chhuak, goal ah a thun. United lam hian goal an thun avangin game pawh an thunun chhunzawm zel. 25 mins ah defender tihsual nangchinin Nani chuan chak takin ball a a tlanpui a, Berbatov chuan dinglam sirah chuan a lo pawt arh ve bawk. Nani chuan Berbatov a pe chho a, a ni hian a shot tawh mai dawn emaw an ti hman, mahse cool zetin vawi khatah Nani chu a pe thla leh nghal a, Nani chuan goal mawi tak a thun phah. United hian 2-0 in chawhma lam hian hma an hruai.

Second Half tan a ni.50 mins ah Anderson chuan Somen Tchoyi chu box pawn sirah chuan a ti tlu. Wes Brom in free kick an hmu. Chris Brunt chuan a pet a, near post lamah chuan kawh zetin a pet, Evra chuan a lo dang pial a, Near Post ah chuan angle zimtak ah, Van der sar ben chhuah zawhloh chuan a rawn thlawk lut, Wes Brom in si khat an thun ve ta. Wes Brom lam an phur chho. 54mis ah veilam sir atangin Chris Brunt chuan goal ah a vawrh lut a, Van der sar chuan awlsam takin a lo man dawn emaw tih laiin amature keeper pawhin an tih duh loh angin a thlauh ta hlauh mai, Somen Tchoyi chuan rang takin goal ah a pet nghal. Wes brom hian an si phurh an sut ta. United in theihtawk an chhuah, chak ngei ngei an tum. Bench a thu Rooney pawh an rawn vawm lut a, mahse duh duh huna goal thun thei an nih bik loh avangin hun a tawp chuan 2-2 in an in hnehtawk ta a ni.

Sir Alex Ferguson chuan a first choice keeper chu an chak zawh lohna chhanah a puh duh chuang lo, "Edwin hian a tisual palh ve mai a ni, united tan a khel tha em em,hetia kan chak zawh loh chhan hi chu team pumpui thiamloh a ni, chak theihna hun duhawm tak kan neih lai a kan chak zo lo leh hi a pawi ani." tiin an inkhelh chungchang a sawi.

He match ah hian inhliam dam kawr Giggs chuan a malpui tha a tina leh a, hun rei zawk a chawh a ngai dawn. Hetia si hnih faia hma an hruai zet tawh hnua an in draw leh hi tun season ah a vawi thumna a ni a, Fulham leh Everton an tum tum khan hetiang hi a thleng a nih kha.

Liverpool fans te lawmin an lam

2010-10-13T11:38:00.000-07:00

A hmawr kan bawk dawn ta. Tom Hicks leh George Gillett te chuan Liverpool board dang High Court a an beihnaah hnehna an chang zo ta lo.

Kan hriat tawh angin, Board of members dangte hian Liverpool chu hralh an duh a, hetih lai hian share nei tam pahnih hian duh lovin, court ah an khing ta kha a ni a. Court thuthlukna hriat a nih veleh hian Liverpool fans te chu hlim leh lawmin an au a..an lam bawk a.

Heti a nih chuan Liverpool chu hralh a ni thei dawn ta. Ni 15 ral hma ngei hian an ba RBS hnenah an pe thei dawn a, tichuan an point pawh paihsak an ni lovang. Club Chairman Martin Broughton pawh a lawm hle mai. Vawiina thuthlukna an hriat rual rual hian Press conference an nei nghal a, "Club chu kan hralh thei ngei dawn e, vawiin tlai la la hian Board Meeting kan nei nghal ang, hnehna kan chan hi kan ring em em a, mahse court thuthlukna a nih miau avang hian kan chak ngei ngei dawn e tih a sawi theih loh. Tunah chuan engkim a fel tawh a, He club hian hun duhawm tak a la tawng chho leh dawn a ni", tiin hnehna an chan rual hian a lawmthu leh hma an lak dan tur a sawi.

NESV in £300m a an ngamna chu pawm a lo ni tawh a, heti a nih chuan RBS a an ba £240m leh a pung £40m chu pek a ni thei tawh dawn a ni. Hetih lai hian Liverpool lei lo tum ve tu Singapore billionaire Peter Lim chuan a pawisa faiin £320m a rawn thehchhuak phal a, heng club ba zawng zawng pawh hi rulh vek a inhuam bawk. Tin player thar leinan a pawisafaiin £40m a la rawn thehchhuak phal leh zel. Liverpool chuan hma khua eng tak an nei ta. Tunah chuan duh thlang theiin an awm leh ta mek. Tu zawk hian nge Liverpool chu lei dawn ta tihah chauh an buai ta a nih chu.

Euro2012 Qualifier Tuesday Review

2010-10-12T22:03:00.000-07:00

Nizan Euro 2012 Qualifier khelh a ni a, Group A ah Kazakhstan chu Germany chuan 0-3 in an va hneh a,an goal hi second half aMiroslav Klose, Mario Gomez leh Lukas Podolski te thun a ni. Azerbaijan chuan an khuaah Turkey chu 1-0 in an hneh a, Minute 39 a Rashad Sadygov goal chu chakna goal a ni.

Group B ah Russia chuan 1-0 in Macedonia an hneh a, minute 8 leka Alexander Kerzhakov goal chu goal awmchhun a ni. Republic of Ireland chuan Group B a hmahruaitu nih theihna hun tha an bawh pelh. An mualah Slovakia chu 1-1 in an draw a ni.

Group C ah Italy leh serbia te inkhel chu fans ten halmawi mual chhunga an vawm luh reng avangin tihtawp a ni. Faroe Islands chuan 1-1 in N. Ireland an hnehtawk a, Estonia chuan 0-1 in an mualah Slovenia an hneh lo.

Group D ah France chuan group leader ni turin Luxembourg chu 2-0 in an hneh a, Karim Benzema leh Yoann Gourcuff ten goal an thun. Belarus chuan 2-0 bawkin Albania an hneh a, Vitaly Rodionov leh substitute Sergey Krivets te chuan Belarus goal an thun.

Group E ah Holland chuan Sweden 4-1 ngawtin an lo hneh a, holland tan hian Klaas-Jan Huntelaar leh Ibrahim Afellay ten goal hnih ve ve an thun a, hun tawp dawnah mikhual tan hian Andreas Granqvist chuan goal khat a rawn khung. Hungary chuan Finland home ah 1-2 in hnehna an va chang a, Moldova chu San mario ah 0-2 in an va chak ve bawk.

Group F ah Latvia leh Georgia chu 1-1 in an in draw a, Greece chuan 2-1 in Israel an hneh bawk.

Group G ah Montenegro leh england chuan hneh loh an la nei lo ve ve, Wimble Stadium ah goal awmlovin in an inhnehtawk a, Montenegro hian game khata an khelh tam zawk avangin group leader an ni mek. Switzerland chuan 4-1 ngawtin Wales an hneh bawk.

Group H ah Portugal chuan 1-3 in Ireland an va hneh a,Portugal hi an coach thar Paul Bento hnuaia game hnihna an khelhah hian an la chak zel. Ronaldo chuan minute 3 lekah free kick hmangin an ram hi hma a hruai pui a, Helgi chuan Wales tan an siphurh a rul. Raul Meireles leh Postiga te chuan portugal tan goal an thun leh a. 1-3 in hnehna an chang ta a ni. Denmark chuan 2-0 in Cyprus an hneh ve bawk a. goal hi Morten Skoubo leh Kasper Lorentze ten second half a an thun a ni.

Group I ah World Champion Spain chuan Scotland an va luhkhung a, Spain hi 2-3 in an chak ta a ni.Spain tan Villa 44 pen, Iniesta 55, Llorente 79 ten goal an thun a, Scotland tan Naismith 58 in goal a thun bakah Pique an minute 66 a an lamah a tih luh palh a. hun tawp dawnah Whittaker chu hnawhchhuah a ni bawk. Liechtenstein chuan an khelmualah 0-2 in Czech Rep an hnehlo bawk.

Halmawi vangin Inkhel Titawp

2010-10-12T21:34:00.000-07:00

Italy leh Serbia ten Euro 2012 Qualifier an khelh chu tan atanga minute 7 lekah tih tawp a ni.Genoa ah hian inkhelh tan hmain mual chhungah hian halmawi engemaw zat vawm luh a ni a, inkhelh hun chu tih khawtlai a ni. Minute 45 hnuah inkhel hi tan a ni thei ta chauh a. Mahse Serbia fans te chuan halmawi mualchhunga an la vawm luh zel avangin Scottish referee Craig Thomson chuan minute 7 lek an khel hman tih chuan player te sahim nan inkhel chu a ti tawp ta a ni.

Hetia Serbia fans ten kawhmawh an bawl chhan nia lang chu, inkhelh tan hmaa Serbian leh Police te nasa taka an innawr buai avanga thleng niin a lang. Hetah hian an buai chhan hriat chian chiah a ni lo a, heta an thinur chu inkhelh na mualchhungah an lungawi lohna an lan tir ta niin a lang.

Serbia fans ten hetia buaina an siam a, inkheh an chhunzawm theih tak si lohah chuan Italy hi 3-0 a chaka puan mai theih an ni ta a.Tunah chuan UEFA deciplinary committee thuthlukna ngaihchan mek a ni.

Ferguson thlaktu tur Mourinho - Sneijder

2010-10-12T11:56:00.000-07:00

Wesley Sneijder chuan Jose Mourinho chu Sir Alex Ferguson a chawlh hnu a Manchester United enkawltu tur a nih a ring bur mai.

Sir Alex Ferguson hian Manchester United hi kum 24 lai a lo enkawl tawh a, hei hi club manager hna thawk reiber record a ni bawk. Tunah a kum a lo tam tawh bawk a, kum tlemte chauh United hi a enkawl tawh dawn. A chawlh hnu hian tunge United enkawl ta ang ? tih chu zawhna tam tak leh chhan chak awm tak a ni a. Hetih lai hian World Cup a player langsar, Inter Milan season hmasa a Champions League an champion theih nana player pawimawh ber Wesley Sneijder chuan a pu hlui tuna Real Madrid coach ni ta Mourinho chu Oldtrafford ah hian a kal ngei a ring nghet bur.

He Dutch star hian The Daily Star chanchinbu a hrilh dan chuan, "Jose nen hian khunkhan takin hemi chungchang hi kan lo sawi dun tawh, pawisa inthap dawn ngat phei ilang chuan Jose an United a pan ang tih lamah tam tak ka dah ngam. Manchester United manager nih hi a thil chak a ni", tiin a pu hluiin United a pan chak thu a sawi chhuak a. "Hetianga Coach ropui tlak thei tur chu mipakhat chauh a ni, chu chu Mourinho hi a ni". tiin Sir Alex chu a zah thu a sawi bawk.

He Coach pahnihte hi an in zahin an in ngaina tawn dun em em, Mourinho ngei hian tihian a sawi a", Football coach zawng zawngah chuan Sir Alex Fergoson hi ka thian tha ber a ni e", tiin. Engemaw chu an inkarah hian a awm a ni tih chu a hriat. A ruk hian an lo indawr fel daih tawh pawh a ni maithei.

Sneijder chuan sawi zawm in, "Premier League hi nuam a ti a,a ngaina bawk. Let leh chu a duhaisam a ni. Premier league chungchang kan sawi dun hi chuan naupang chhia ang mai a ni, a phur lutuk thin",tiin Premier League a ngainat thu a sawi tel bawk. Thil sawi a tam a, an in leifel te a nih hma chu engmah chiang a awm lo. I lo thlir phawt ang u

Vucinic - Manchester United ah ?

2010-10-12T01:06:00.000-07:00

Tunlai chu Montenegro leh Roma striker Mirko Vucinic hi a hot hle. Roma tan a khel tha, Euro2012 qualifier ah pawh an ram tan a thawh hlawk hle. Zanin hian Wimbley Stadium ah England an hmachhawn dawn. Goal a thun leh a nih phei chuan Club dang pawhin an rawn bawh huam huam tawh ang.

Kum 27 mi hi Chelsea, Liverpool, Manchester United leh Manchester City an duh thu an sawi. Hetih lai hian amah ngei pawh hian English Premier League a ngainat thu a lo sawi ve bawk a, hei vang hian Transfer hun a inhawn leh hmasak berah an inchuh rawn tur niin a lang ta."English Premier League hi football league ah chuan a pui ber niin ka hria, heta khelh pawh hi ka duhsam ber a ni football ka khelh chhung hian", tiin Premier League a a khelh chak thu a sawi.

Vucinic hian Montenegro tan vawi 21 khel tawhin goal 11 lai a thun a. Tin, amah hi tuna Euro 2010 Qualifying a Group G a leader an nih theih na chhan pakhat a ni.

Barcelona pawhin Arsenal midfielder Denilson chu £12 million a an ngam thu an lo sawi ve mek bawk,

Liverpool buai tual tual, a kai kuang Benitez ?

2010-10-11T02:53:00.000-07:00

Tunah hian Liverpool FC chu buaina ata buaina leh chhawngah an lut chho mek. NESV ten 300 million pound in an dawr a, heihi pawm ni tawh mahse a neitu tak tak zawk Gillett leh Hicks te chuan a hlutna chanve leka Liverpool hralh hi an remti lo bur. Hei vang hian Board member 3 te chu an ban a, Liverpool chu heti zat leka hralh a nih loh nan theihtawk an chhuah mek. Hicks leh Gillett te hi a neitu tak tak zawk an ni a, a chhan chu share nei tam pahnih an nih vang a ni.

Hetih lai hian Liverpool hian Royal Bank of Scotland a an sum bat chu Oct ni 15 hian rulh zawh ngei ngei a ngai, hemi ni a an rul zo hman lo a nih vaih chuan Royal Bank of Scotland hian Liverpool hi an enkawl mai a ngai dawn a, ba an rulh theih loh avanga an batna te hnena thuneihna lohtheih loha hlan a nih ngat chuan Premier League dan angin hrem an ni ngei dawn a ni.Premier League danah chuan hetiang dinhmuna club a ding a nih chuan point 9 paih sak an ni dawn a, hei hian buaina ata buai zualna a thlen dawn a ni. Liverpool dinhmun hi tunah hian a khirhkhan hle a, Hetia dan anga neitu nihna inchuh tuma an in khin mek lai hian hun tiam chu a ral mai dawn si, Tin, NESV te chuan hetiang teh nuaih chu tiin thil a fel vat loh chuan lei loh mai pawh pawi an tih loh thu an lo sawi ve chhen tawh bawk si a. Tuna Liverpool din hmun hi Football Club te tawnah chuan a chheber pawl a ni mek.

An buai thu leh an buai dan te kan sawi nasa ta, a tu ber hi nge ni ta a kaikuang chu ? tih hi kan chhut tam lo maithei. Liverpool fan ruhkawl the KOP ho chuan tuna club neitu ni mek Gillette leh Hicks te an puh a, nasa takin chuak turin an nawr. Athenin Tuna an coach thar chak pui hleithei lo Roy Hodgson hi an puh ve mek bawk. Kei erawh chuan an Coach hlui Rafael Benitez kha heng buaina zawng zawng chawkchhuaktuah ka puang.

Club neitu Hicks leh Gellitte te khan thil phal takin an rawn luh tirh khan club thuam that nan Benitez kha £170million lai bazar nan an pe. Kha pawisa kha an ipte ami nge, an puk tih kan hre lo. Khang pawisa zozai kha hmang thiamin tangkaiah hmang ta selang he dinhmun hi an thleng miah lovang. Inhliam chungchangah chuan tumah dem theih an ni lo, tin, torres, Reina, Daniel Agger leh Maxi Rodriguez te kha chu a lei fuh an ni ang. Mahse heng player dang a lei ho te hi han bih chiang ila : £16m a alei Glen Johnson hian defend hna a thawk reng em ? A nih leh £11m man hute Ryan Babel? Aurelio? Kyrgiakos? Insua? Degen? Lucas? Morientes, Nunez, Josemi, Sissoko, Pennant leh Dossena? te hian thil ropui an thlen em ?

Hetih lai hian player pawimawh Craig Bellamy leh Peter Crouch te a rual deuhthawin a hralh a,tuna Chelsea in an duat em em Yossi Benayoun chu bench ah a thut tir bawk. Gareth Barry lakluh inbeiseiin Xabi Alonso a chhuah tir leh bawk si. Player leinan £120m a hmang a, mahse Liverpool chu Premier league ah pawh a champion pui thei lo. The Kop ho chuan "In Rafa We Trust" an la ti ??

Champions league ah 2005 khan maksak takin a champion pui, hei vang pawh hian an tan a ni mah na. Amaherawh chu kha an champion theih nana player remkhawm tu dik tak chu an coach hmasa Gerard Houllier a ni daih a sin.Gerard Houllier kuhmumah a par a ni zawk e.

Heng pawisa an pek zawng zawng kha tangkaiah hmang se, Champions League ah leh Premier League ah a sang lam ni reng bawk se chuan revenue lam atang pawhin heng an bate hi chu an rulh theih beisei a ni. Mahse hniam takah Liverpool chu a dah a, khemual chhungah an zahawmna an hloh a, chu chuan pawn lam a rawn nghawng chho ta. An ticket hralh a tlahniam zel a, an chak loh ngun chuan TV lam atanga revenue an dawn thin pawh an chan chho ta zel. Khang pawisa kha club neitu te khan risk lain, club tih that nan loan an lo puk niin a lang ta a, result tha khemual chhungah nei ngat selang an rul zo em em ang.

Pawi ta ber chu Benitez a rotation policy kha a ni. Player a nei tha a, skills ah pawh an tha. Hetih lai hian a chhawkin a inkhelh tir a, hei hi club chhiatna leh player te chhiatna chu a ni. Tupawhin chet that lai leh chet chhiat lai kan nei vek a, an chet that lai a nih chuan khelh tir reng kha a tur a ni. Crouch te goal an thun pup pup, mahse game lehah chuan bench ah a thut tir leh a, a pawi ta a nih kha. Rotation policy ah chuan Sir Alex Ferguson a tluk lo khawp mai.

Tunah chuan Inter lamah a kal ta daih a, Roy an a pal hnawk rawn then fai a tum, mahse sum lamah an tlakchhiat mai bakah club hrim hrim morale a hniam, engmah tih theih a ni lo,chak ni hmel an hmu thei ta lo. Heng zawng zawng bul hi Benitez a ni e ka ti vek lo. Amaherawh chu Benitez hian mawh nasa takin a phur a ni.

Tuma rin loh Mainz, Bundesliga hmahruaitu

2010-10-07T11:40:00.000-07:00

German bundesliga defending champion chu Bayern Munich an ni. 2010-11 Season a rawn in her chhuak a, mi tam tak chuan defending champion hi team tawhkhirh ber tur leh champion leh ngei tura player nei tha nia an rin laiin, Bundesliga ah chuan hma hruaitu hmel thar kan hmu ta.

Game 7 khel tawhin vawi 7 an la chak vek a, nikum season kha chuan 9-na an ni pha tawk. Amaherawh chu tunah dan rual lohin hma an hruaita a, chu club indin chho mek, mi te pawhin an rin phak baka rawn invawrh mek chu Mainz an ni. An coach chu kum 37 mi Thomas Tuchel a ni a, hepa hi tunah chuan Mourinho a'n Porto a enkawl lai ang mai kha a ni e tiin an tehkhin chho ta hial mai.

Mainz hian tun summer transfer kha an hmang tangkai em em a, player naupang mahse talent nei tha an la lut hian tun dinhmun hi a hlangkai mek a ni.Kum 22 mi Hungarian striker Adam Szalai tun summer a Real Madrid atanga a 1m euros chauha an lak luh hi a tha thlawt a ni. Real a a awm lai khan Reserve team ah a khel a, game 77 ah goal 22 lai a khung. Mahse Real team hi an that em avangin a ni naupang mai chuan hmun a chang thei lo, Mainz hian an chang thei ta hlauh a. Tun season ah hian Bundesliga game 7 an khelh tawhah goal 3 a thun tawh a, Real a chhauhsan hi a tifuh thlawt a ni.

Winger Lewis Holtby hi Schalke atanga loan a an lak a ni a, hei pawh hi player rang leh thawk rim a ni. 2-0 a Koln an hneh tum leh 2-1 a Bayern an hneh tum khan a khel tha em em bawk a. Hepa hi a ni tuna English ho awh em em chu ni ta. A pa hi English a ni a, Merseyside khaw chhuak a ni. German ah pemin awmhmun an khuar ta a. England ram tan a khelh theih nan English media te chuan an buaipui char char. Mahse German coach Joachim Loew chuan November thla a Sweeden nen match an neih turah a ko ve nghal ta vat a.Hetia German tan a khelh dawn takah chuan England tan chuan channa nasa tak a ni dawn a ni.

Mainz hi nikum khan league ah 9 na an rawn ni phak hram a, mahse tun kum hian 100% record an nei a, game 7 ah vawi 7 an chak a, an mahni hnaih ber tu Borussia Dortmund lakah point 3 in an sang a. Hetih lai hian nikum lama champion Bayern Munich chu league ah 12 na an ni mek a, hetianga season a zo a nih chuan an dinhmun an inthlak hlawk tihna a ni dawn a ni.

Edwin Van der Sar a chawl tawh dawn

2010-10-07T06:28:00.000-07:00

Manchester United goalkeeper Edwin van der Sar chuan tun season zawhah hian chawlh a tum thu United goalkeeping coah Eric Steele a hrilh.

Holland goalkeeper thin hi 2005 khan Fulham atangin United hi a zawm a, tun thla October ni 29 hian kum 40 a tling ve dawn ta der mai a. Game level sang tak khelh reng chu a tlin a ring ta lo niin a lang. Steele chuan " Edwin van der Sar hian a rilru chu a siam fel tawh a, tun season tawp hian chawlh a tum a ni. Proffesional dik tak a ni a, a fingin goalkeeper tha tak a ni. A chawlh hun tur hi keini Sir Alex a nen chuan sawi sak kher a ngai lo, amah hian hun a tih hunah a chawl mai ang, achhan chu a taksa hrechiangtu a ni a", tiin Edwin van der sar a chungchang a sawi.

Hetih lai hian Steele hian an keeper chhuanvawr chu a ui hle niin a lang a. "2010-11 season hnu lam thleng pawh hian van der sar hi la khel thei a ni, Cup hi la hnem viau tawh mahse khawvela Cup rei leh upa ber FA cup hi a la lalo a, hei hi a ni pawh hian lak ngei a duh a ni", tiin an keeper hi chelh a la duh em em.

Van der sar hian Champions league, League Cup leh league champion cup te a lo la tawh a, club in elna ah chuan FA cup chiah hi hmabak a nei tawh a, chu chu lak ngei a duh dawn a ni. Hetia van der sar chawlh a tum mek lai hian United chuan amah thlaktu tur an dap mek reng bawk a.Juventus keeper Gianluigi Buffon leh Ajax keeper Martin stekelenburg te chu en thlithlai mek an ni.

Argentina ramah ka kir tawh lovang - Tevez

2010-10-07T01:18:00.001-07:00

Manchester City Striker Carlos Tevez chuan an ram league ah inkhel tura let leh a tum tawh loh thu a sawi.

Tevez hi a rawn chawr chhuahna Club Boca Juniors a let leh tura ngaih a ni thin a, Tevez chuan TyC Sport hrilhin " Argentine League khel leh turin ka let leh tawh lovang. Argentina rama inkhelh chu a hahthlak em em a, pressure a sang bawk. Ka pa leh ka fanu hian min ngen a nih chuan ka kir leh anga, mahse Football khel tur ni lovin", tiin nakin lama a hnu hman dan tur a sawi lawk a ni.

Tevez hi tuna a khelhna Manchester City ah hian a che tha em em a, City rawn indin chhoh lehna a tan tha a thawh hlawk hle bawk.

European Football ah Inthamna lian tak a awm tih hriat a ni

2010-10-07T00:51:00.000-07:00

Sum hmanga inthamna bawlhhlawh tak European Football ah a awm a ni tih hriain German ram chuan he lamah thil sual titute chu an dap ta char char mai.

European Countries ah hian Ram 15 te chu he thilah hian fihlim lo nia hriat a ni a.Match 300 vel lai chu he thamna avang hian a buai a.

Mi 15 vel chu Referee tham chungchangah hian thubuai siam sak an ni a. heng zinga mi pali te chu tunah German Police kutah an awm mek.

Hetia Referee an thamna chhan ber chu chak zawk tur inrinsiak a, pawisa an inthap thinna atangin niin a lang. Heng referee lo thamtute hi footballer hlui te an ni hlawm a, mi pali te hi 2009 kumtawp lamah khan Police te hian an lo kawl tawh a ni.

Inthamna a thlenna hmun hi a tlangpuiin League hniam zawkah a ni tlangpui a, 2008-2009 Germany ram chhung league a Match 17 laiah he thil duhawm loh hi a thleng a.Second Division match 2. German Cup 1, Reasonal League 9 leh Bundesliga ah 3 te an ni.

Heng match hrang hranga inthamna a thlenna game nia na hriat chu, Europa League Match (2009) FC Bsel 3- CSKA Sofia, U-21 European qualifier (2009) Switzerland 1-0 Georgia,Switzerland second division leh Belgium second division te ni a tarlan a ni.

UEFA Champions League ah pawh he inthamna bawlhhlawh tak hi a thleng ngei nia hriat a ni a, Match thum chu zirchian mek a ni a, hetah pawh hian tuna Football player pakhat bawh a tel ni a hriat a ni bawk.

Buaina karah Liverpool chuan neitu thar hmel a hmu mek

2010-10-06T22:53:00.000-07:00

Sum lamah nasa takin an tlachhia. Club thuam that nan The Royal Bank of Scotland ah sum tam tham tak an puk a. Sumdawnna leh khelmual chhungah result an nei tha thei chuang lo, a tlaran zawngin an kal mek. October 15, 2010 hian an sum puk hi rulh vek a ngai tawh dawn, heta an rul theilo a nih chuan RBS hian Liverpool hi a take over dawn tawh si a.

Hetia an buai em em lai hian Liverpool Board of Directors zinga mi pathum Purslow, Ayre leh chairman Martin Broughton te chuan April thla atang khan Liverpool hi an lo zuar tawh a, a tirah chuan pound mtd 800 lai an chhiar, mahse a to mah mah niin a lang, hralh na an hmu mai lo. A man an chhiar hniam hnuah New England Sports Ventures (NESV) te an rawn lang ta a, anni hian Pound mtd 300 in an rawn chhang ta a.

Board member pathumte hi chuan hei hi an pawm ta thlap a, Liverpool chu hralh mai tura buatsaih a nih laiin, Liverpool Club a share nei tam pahnih, a neitu tak tak an ni mai ang chu George Gillett leh Tom Hicks te chuan hei hi an pawm thei ta hauh lo mai. An hritpuina leh pawmpuina pawh tel lova hetia club hralh an lo tum ve ringawt chu an lawm lova, heng borad member pathum te hi an ban ta a. An aiah Hick-a fapa Mack chu dah a ni ta a. Gillett leh Hicks te chuan Club leiba Pound mtd 351.4 a nih mek laia hetia Pound mtd 300 leka club hralh tum a nih hi an duh lo em em.

Hetih lai hian board member pathum te pawh an ngawi mai mai bik lo, dan thiam te ruaiin theih tawka an nihna chelh leh theih an tum a, tunah hian Liverpool chu khelmualah leh Club chhungkua ah nasa takin a buai a ni.

New England Sports Ventures in Pound mtd 300 a club lei an tumna Liverpool board member ten an lo pawm tawh si avang hian NESV chu club neitu ni mai thei an ni ta. America rama Baseball team tha Boston Red Sox neitu NESV hian thuchhuah siam ve nghalin, "Kan indawrna hi a hlawhtling a nih chuan club kan lei tumna hian leiba rul zo dawnlo mahse a bak pawh hi kan rul tho tho ang, hma thlir thui tak kan nei a, Liverpool Club tana nakina la chhenfakawm tur te a ni hlawm. Liverpool FC hi tunah dinhmun thalo takah a ding mek, hei hi chhan chhuah a, a ropuina ngaia let tir leh chu kan tum hmasa ber tur a ni. Boston Red Sox kan lei hnua kan hnathawh hi en ula,Kum ruk chhungin World Series vawi hnih kan la hman a, Liverpool pawh hi kan tungding leh thei ang tih kan hria a ni", tiin Liverpool lei ngei an tum thu an sawi.

Hetih lai hian tuna neitu la ni mek Hicks leh Gillett te chuan leiba Pound mtd. 351.4 an neih mek laia pound mtd 300 leka club hralh a nih tur chu an duh lo em em a, theih tawk chhuah a dan an la tu a ni, an ni hi chuan Pound mtd 600 hi liverpool hlutna a ni tiin, hetia tlawm taka hralh a nih dawn chuan chu chu Liverpool hmuhsitna ang hiala an ngaih thu an sawi bawk. Hetih lai hian Liverpool Chairman Martin Broughton chuan Tun kar hian engkim an peihfel hman a rin thu a lo sawi ve mek bawk a. RBS a an ba October ni 15 a tlak ngei ngei tur an nih avangin Club hralh hi an tihmakmawh a nih thu a sawi bawk.

Misual Karl Henry leh Nigel de Jong hrem an ni.

2010-10-04T12:44:00.000-07:00

Kartawp Premier League inkhelh ah khan football player sual deuh pahnih tih ka nei. An sual ka ti thlawt a ni. Wigan Athletic leh Wolver Hampton inkhelah khan Wigan kha 2-0 in an chak a, wigan chakna chhan pakhat chu Karl Henry an hnawhchhuah vang a ni.

Wigan midfielder Jordi Gomez chu minute 11 ah Henry hian vir nawk khawpin a tlawh a, Referee chuan Red card direct in a pe nghal. Direct red card a nih avang hian Henry hi match thum chhung khel theilo tura hrem ani a. A foul dan kha dik tak chuan match 5 lai hrem a phu a ni. Professional foul hi chu a awm, a tur a ni. Amaherawh chu tihnat tum vang hrim hrim hi chu a huatthlala awm khawp mai.

He player hi football pawh khel tawh lo mai se kei chuan ka duh a ni. September ni 12 a Fulham an hnehloh tum pawh khan Fulham player Bobby Zamora chu a tlawh hliam tawh bawk a,hun rei tak a khel thei dawn lo zui.

Holland Player Nigel de Jong pawh hi football player sualah chaun chhiar tel a ni fo tawh ang. World cup 2010 final a Xabi Alonso a awma a tlawh te kha ..... khang kha chu proffessional foul a ni theilo hrim hrim, tih nat luih tum a niin ka hria. Tun Sunday zana Newcastle an hneh zan pawh khan Ben Arfa chu hmazawgin a tlawh a, a ke veilam ruh a khawlo, an zawnchhuak ta a nih kha.

Hei vang hian International match ah Holland coach Bert van Marwijk chuan thlang renrawn tawh mahse Euro qualifying squad atangin a paih leh ta. Holland coach pawhin De Jong a chet dan hi a dem em em a, player carrear tihchhiat vek theihna a nih thin avangin tul lo leh sual vang hrim hrim a foul hi a ngaihzam theih loh thu a sawi a ni.

Bernabeu ah goal a sur (Laliga Review)

2010-10-03T19:54:00.000-07:00

Santiago Bernabeu ah ruah nasa takin a sur a, goal pawh a surin a sur ve bawk. Sunday zan Laliga match ah chuan Real hian 6-1 ngawtin Deportivo La coruna an sawp a, League ah 3 na niin Barcelona chungah an awm a ni.

Cristiano Ronaldo chuan goal hmahruai leh hnuhnung a thun a, Mesut Ozil chuan Real tan a goal khatna thun ve ta bawk a. Angel Di Maria leh Gonzalo Higuain ten an thun bakah mahni lamah Ze Castro chuan a thun ve bawk. Hetih lai hian Barcelona chuan 1-1 a Real Mallorca an draw avangin table ah 4-na an ni a, Real hi 3-na ah an inhlang kai ta a ni.

6-1 in chak mahse Real Madrid boss Jose Mourinho chuan a la duhkhawp lohthu a sawi a. "Real Madrid hi tunah dinchhoh mek a ni a, zanina kan chakna ah khan fans te pawh lawm em em na tur a la awm chuang lo. Deportivo 6-0 a kan hneh avang ngawt khan Real hi team tha ber kan ni tihna a la ni lo. Hna tam tak thawh tur kan nei a, zawi muangin kan kal chho bek bek ang.", tiin Real kalchhoh zel dan tura a inrin tawk thu leh club president chunga rinna a nghah thu a sawi bawk.

Hetih lai hian Barcelona chuan Nou Camp ah Real Mallorca 1-1 in an lo hneh tawk a, Messi chuan 20 mins lekah goal hmahruai a thun a, half time hma hretin Nsue chuan Mallorca si phurh a sut a, goal dang a awm lo, 1-1 in an inhnehtawk ta a ni. Point 2 an hloh a, Real an lo chak bawk nen. Top 3 atangin an chhuak ta a, Real chu League ah 3 na an ni ta a ni.

Villareal chuan League a 2-na niturin 2-0 in Racing Santander chu an lo hneh ve bawk a,Inrinni zan khan Valencia chuan 2-1 in Athletic Bilbao an hneh a, league hmahruaitu an ni chhunzawm zel.

Chelsea 2-0 Arsenal

2010-10-03T11:37:00.000-07:00

Carlo Ancelotti chu a pa vuina hun Italy a an hman zawhin Arsenal hmachhawn leh turin Stamford Bridge ah a rawn kir leh nghal a, a eizawnna a nih miau avang leh he game hi a pawimawh em avangin chawlh a la hman lo a ni. Arsenal hian an player tha Fabregas inhliam vangin an hruai thei lova, a aiah rawlthar, tunlaia rawn che tha chho em em Wilshere chu dahin hmatawngah Arshavin leh Chamakh an inkawp.

Inkhel chu ring lawk ang ngeiin a tang nghal em em. Ball chuan leh lam goal a thleng tawn zak zak a.Drogba leh Anelka te inkawp an hlauhawm viau a, mahse Arsenal defender Sebastien Squillaci leh Sagna ten an lo dang thei hlauh zel. Arsenal tan Wilshere chu a rawn khel tha leh hle, Arshavin-a'n 30 yards atanga a shot Cech an a lo dan phei kha chu pui tak a ni. Arsenal ball khawih a nalh leh hle a, hetih lai hian Chelsea counter attack chu a na em em a, goal pawh an thun teuh thei hle. 38 mins a ni a, Ashley cole chuan lei hrulah veilam atangin a cross a, Drogba chuan near post ah lo tawk kawiin, Arsenal keeper Fabianski a che hman lo, goal ah a lut ta. First half a zo a, Chelsea hian 1-0 in hma an hruai a.

Second half tan a ni a, Manager pahnih ten game an la siksawi lo, Arsenal in theitawk an chhuah, goal thun an tum. Mahse John terry a khelh that zan a nih mai bakah Arsenal hian an hmatawng tha te an chhar theih loh avangin goal an thun thei lo. 83 mins a ni a, Laurent Koscielny chuan Nicolas Anelka a tih tluk avangin chelsea chuan 25 yards atangin freekick an hmu. defender Alex a rawn ding chhuak a, keeper zawnah kawh takin a pet phei, keeper awmna athlen chuan a leu kawi a, Fabiansky tan khawih phak rual a ni lo. A goal leh ta, Chelsea hian 2-0 in hma an hruai ta a, Arsenal tan tih theih a awm ta lo, hun a tawp zui ta a. Heti hian Chelsea chu League leader an ni chhunzawm zel a,an mahni hnaih bertu Man City lakah points 4 in hma an hruai ta a ni.

Bottom 3 ah Liverpool an awm ta vung mai !!!!

2010-10-03T11:14:00.000-07:00

Manager Roy Hudgson nge kan dem dawn Liverpool player te zawk ? Tunlai chu engkim mai hi a diklo vel vek a ni Liverpool tan chuan. Sunday zan inkhel ah hian kaithar Blackpool chuan Anfield ah ngei 1-2 in an va hneh. Bottom 3 ah Wolves leh West Ham te nen an awm ho ta.

Blackpool tan Luke Varney che tha em em, 28mins ah Glen Johnson chuan Luke Varney chu box chhungah a ti tlu, Blackpool in penalty an hmu. Charlie Adam chuan goal ah chantirin 0-1 in mikhual hian hma an hruai ta. Liverpool in goal thun an tum a, mahse tan atanga minute 8 lekah Torres chu inhliam vanga a chhuah bawk si avangin an goal bawh a na thei tawh lo. First Half a zo tep , injury time ah Luke Varney chuan goal a thun ta nge nge a, Half time a nih meuh chuan 0-2 in Anfield ah Blackpool hian hma an hruai ta vung mai.

Second half tan a ni a, 52 mins Ian Evatt handball avangin Liverpool in free kick an hmu, Gerrard chuan petin, kawh mar pawtin Sotirios Kyrgiakos chuan goal ah a tauh lut a, Liverpool in goal khat an thun ve ta a. Blackpool an khel tha ve hrim hrim a, Liverpool an che thei lo. Goal dang a luh belh lo, Blackpool chuan Anfield ah ngei Liverpool 1-2 in an hneh a, Blackpool hi top 10 an an rawn inhlangkai chho a, hetih lai hian Liverpool chu bottom 3 ah an tla thla.

Tun Season hi Liverpool tan chuan kum chhia a ni chiang hle mai, season bul an tan tha lo, Team in hma a sawn beiseiin Benitez an ban a, a aiah Fulham manager hlui Roy hudgson an la lut, beisei sang tak chungin an thlir a, mahse eng teh ruai an ang ta chuang lo, bottom 3 ah an awm ta ran mai. Tunah Benitez chuan Inter enkawlin Serie A ah 2 na an ni mek a, zanin hian Juventus an hneh chuan League leader an ni leh thei dawn a ni. Liverpool hi eng vangin nge an chet chhiat em em le ? Player tha an nei ve tho a, mahse an chak thei lo. Coach thar an neih chung pawhin eng an ang bawk si lo a, Club morale hi a dik tawh lo zawk emni zawk ?

Man City chakna Adam Johnson bawk

2010-10-03T08:03:00.000-07:00

England tana thu lawmawm tak chu hei hi a ni, Alan Shearer thlaktu tur an nei ta,Adam Johnson a ni. Zanin Premiership a Newcastle United an hnehna goal thuntu a ni.

Champions League an khel zo chiah a, Premiership nomawi chuh pha ve turin zanin hian an dinhmun an sawh nghet zual ta sauh sauh mai. Viera chu dahchhuakin, Dejong, bary, Silva leh Milner te a midfield ah a tlar a, Tevez thlawp turin Yaya Toure a dah bawk.Mancini hian a tifuh hle mai. Hetih lai hian Kaithar Newcastle United pawh player neitha an ni. Alan smith bench ah a thu a, striker pasang Carroll pawh thuttirin Ameobi chu hmatawngah hmana ni a. An innawr tawn nghal char char.

18mins ah Newcastle Defender williamson chuan Tevez box chhunga a titluk avangin penalty City lamin an hmu.Tevez chuan goalah chantirin hma an hruai ta . Goal a luh atanga reilote ah Newcastle Midfielder Gutierrez chuan 6 yard box atangin chiang set sawtin goal a thun, an siphurh a rul. Halftime ah 1-1 in an inhnehtawk.

Secondhalf tan a ni a, clear chance tak tak a awm lem lo a, coach ten game an thlak ve ve ta a, City lamin A Johnson 72 mins ah an rawn luhtir a, a luh atanga reilote 75mins ah dinglam sir atangin defender pahnih bum tlangin a vei zawng ngei chuan kawh mar pawt in Newcastle goal ah chuan a pet ta, Krul tan tih ngaihna a awm lo, City chuan hma an hruai leh ta, Adam Johnson chu hetah hian khawvelin a thiam a ni tih a nem nghet tak tak tawh ang. Newcastle lamin goal thun tumin an nawr let a, striker palian Carroll an rawn luh tir, mahse Boateng leh Lescott te an chet that em avangin goal a luh belh ta lo. Referee chuan a ham tawp ta a, Manchester City chuan 2-1 in hnehna an chang ta a ni.

City hian an hmelma kumhlun Manchester United chu lehpelin Table ah 2 na an ni ta a. Zanin hian Chelsea leh Arsenal an khel leh dawn a, Arsenal hi an chak hlauh a nih chuan goal difference ah an rawn lehpel thei leh tho. Mahse tunge chak zawk tur a la hriat loh. Premiership title inchuhna chu a hmuhnawmber kum a ni chho dawn niin a lang.

Manchester United an vannei

2010-10-02T11:44:00.000-07:00

Sunderland 0-0 Manchester united

Nimin lamah Sunderland manager Steve Bruce chuan Manchester Unite hi an hneh thei a ni tih a lo sawi lawk. A sawi dik teuh khawp mai. Stadium of Light a inkhelah hian Sunderland hian ball an chang tamin, goal thunna chance pawh an nei hnem zawk.

Ferguson hian Owen leh Macheda te luh tir hmasa a, a laiah Scholes leh fletcher leh Anderson te a dah bawk. Zanin chu a remkhawm fu lo deuh chuan a lang. Ferdinand a rawn kir leh tawh a, hei vang hian United hian goal an chhuah loh phah mai mai ni te pawhin a lang. Steve Bruce hi United hrang hlui a ni a, Sunderlan manager a nih hnu hian United hi an la hneh ngai lo, chuvang chuan thei tawp chhuah a hneh a tum a, veteran Zenden chu a laiah a dah a, heihi a tifuh hle mai.

Tawnhriat ngah Zenden hi a la tar lo a ni tih a lang chiang, United tlar hnung ti mangang thin tu a ni, vawikhat a shot kha a chhuak zawngin a kual hlauh a, goal post a fuh ta kha a ni a. Darren Bent pawh a khel tha hle bawk. Mahse Clear chance a awm hleithei lo. Tlai khawhnuah Ferguson chuan Berbatov leh Hernandez a luh tir ve chauh a, Hernandez hi rawn tal na viau mahse a tlai tawh em a, duh angin striking parnership Berbatov nen hian an nei hman ta lo a ni. Minute 10 a la awmin Bebe chu a rawn lut ve hlawl mai, a lian tha a, ball pawh a thiam a ni tih a lang. Mahse sunderland an khelh that em avangin hma tawng hoin ball an chang tam thei bik ta lova. hun a tawp zui ta. united hian an chance tha tak chu an bawhpelh leh ta tiin mi chuan an sawi anga, mahse a nihna takah chuan chak chu sawi loh an indraw pawh kha an vannei thlawt a ni.

Rafael Van der vaart a inlar tan

2010-10-02T11:28:00.000-07:00

White Hart Lane a inkhel hi inkhel hmuhnawm tak a ni. Player nei tha ve ve an ni a , game pawh a in buktawk khawp mai. 15mins lekah mikhual lam tan Marc Albrington chuan hnai tak atangin veilam kil sirah chuan a pet a, a goal ta. Mikhual hian 0-1 in hma an hruai ta a. Mual neitu chuan sut tumin an nawr let leh a, Modric leh Vander vaart an tangkai hle.

Chawhma hun a zo tep hun pekbelh a ni a, Peter Crouch a cross chu Vander Vaart chuan six yard box atangin chiang zet in a tauh lut a.. an si phurh a sut a. Halftaime ah 1-1 a ni.

Second half tan a ni a, John Carew a hnawksak leh hle a, Bale pawh a khelh that pangai in a khel tha reng bawk. 75 mins ah Crouch a siam bawk chu Vander Vaart bawk chuan a thun leh ta, 2-1 in mual neitu in hma an hruai ta a. Aston chuan goal thun ve leh tumin an bei let..mahse hun in a daih ta lo. hun a tawp ta a, 2-1 in Tottenham in hnehna an chang ta a ni.

Transfer hun a tawp rual rual a an lei, an chan pawh an beisei loh Rafael Van der Vaart chuan Champions league a goal a thun hnuin Premier League ah goal a thun ve leh ta. Player tha tak a ni a, Harry Rednapp an a at chilh pawh kha a lo awm viau e, a chetla hmuh a nuam a, Tottenham key player a ni chho dawn niin a lang. A laiah Modric nen an inkawp a, a ni hi Striker hnung deuh chiahah a awm thiam em em. Chu chu zanin pawh hian an chakna hnar a ni.

2011 ah Ronaldo a chawl dawn

2010-10-01T23:32:00.000-07:00

Brazil striker World Cup a goal thun hnem ber Ronaldo chuan nakuma Football a chawlhsan tawh tur thu a sawi. Kum 34 mi ,Barcelona leh Inter Milan tana hlawhtlinna siam saktu hian Football khelh hi nuam ti viau mahse inhliam in a tlakbuak ve reng si avangin chawlh mai a tum thu a sawi a.

"Tun kum chu a hahthlak khawp mai, hliam ka tuar nasa a,tha taka khel leh tur chuan theih tawk a tan lak leh a ngai thin. Mahse hetih lai pawh hian ka khelhna Corinthians fans te chuan min la support tlat a, kum khat dang han khelh leh dawn chuan ka taksa ngaihtuah hian a harsa viau tawh maithei, Mahse fans te vang liau liauin kum khat dang chu ka khel leh ang e", tiin Corinthians striker hian kum khat dang a khelh leh hnua a chawlh tur thu a sawi a ni.

Corinthians hi tunah league ah pahnihna an ni mek a, hetia an kheh that zel chuan South America's Premier Club Competition ah an khel thei dawn a, heti a nih chuan Ronaldo pawh hian a lo suangtuah ram Copa Libertodores chu a khel thei dawn tihna a ni.

"Ka dam tawh e", Rooney

2010-10-01T23:08:00.000-07:00

Wayne Rooney chuan vawiin tlai a Sunderland an khelh turah hian khel ve a chak thu a sawi.A hliam pawh a dam a, inkhel turin a fit tawk a ni tih a sawi. Rooney hi kheimit hliam vangin kar thum dawn lai chawl tura ngaih a ni a. Mahse hepa hi chu midanglam tak a ni. A hliam hi a dam hma em em, hei hi a huaisen leh tawrhchhel vang pawh a ni thei awm e. tunah pawh hian rin aiin a dam hma leh ta. Tunkara Champions League a Valencia nen an inkhel tum khan a chawl a, mahse hei kartawp inkhelh hunah chuan a dam thu a puang a ni.

Rooney hian inkhelh a chak tak zet thu sawiin " Thiante inkhelh laia a chawl bik lo nih hi kha duh ngai lo. Game zawng zawng khelh vek ka duh a ni, Stadium of light a match awm turah pawh hian khelh ve ngei ka duh, mahse hei hi chu kan manager thu thu a ni e. Dik tak chuan United ah hi chuan player an tha hlawm a, theihtawk chhuah loh chuan First team ah a tel reng theih dawn loh. Mi tupawh hian chetchhiat lai kan nei vek a, tha taka khel leh tur chuan match tam zawk ka khelh a ngai a ni", a ti.

He tih lai hian, Sir Alex Ferguson chuan" Wayne hian khelh leh thuai a duh a ni, amaherawh chu kar khat hnu lamah chuah a dam fel ang a, Fabio pawhin lo hria se, khelh tir a duh chuan kar khat dang kan nghah leh a ngai dawn a ni", tiin Rooney hian International duty a inhliam dam lo chunga England tan a khelh leh mai a hlauh thu a sawi.

Sunderland vs Mancheter united preview

Sunderland defender Anton Ferdinand chu inhliam avanga a chawlh vang vang hnuah a rawn let leh thei dawn ta a. A u Rio pawh Valencia nen an inkhelhah khan a rawn in lan tawh a, a dam fel a ni tih a chiang.Kieran Richardson chu a malpui tha a nat avangin a la chawl tluang zel dawn a, John Mensah erawh a rawn inlan maithei.

Aston tan Young an contract thar ziak leh dawn

2010-10-01T11:47:00.000-07:00

Aston Villa Winger Ashley Young chu Midlands tan Contract thar ziak leh turin a inbuatsaih mek. Manager Gerard Houllier chuan Young hi chelh betin, kum li dang atan contract thar ziah puiah a sawm leh a, tun atanga reilo te ah engkim tihfel a nih thuai tur thu Aston Boss hian a sawi.

Kum 25 mi hi Tottenham chuan an lo beisei ve em em a, nipui a rawn thawt leh hunah lei tumin nasa taka beih an lo tum a ni.Hetih lai hian Houllier-a game plan ah hmun lailum a chang tlat si a, hmun danga a chhuah loh nan a rang thei ang bera thlun beh a ngai ta a ni.Young hi 2007 khan Villa hian Watford atangin 8 million pound in an lei a, player tlanchak leh ball thiam tak, thui tak tak ball khalh thei a ni a. Tin, a rang em em a, inkhelh ngaina mi, inkhel dan chhiar thiam, fing leh rem hre tak a ni. Thiante tan ball tha tak tak siamtu a lo ni fo tawh a, goal pawh a thun ve mai theih avangin lehlam pawlte tan chuan khelmual chhungah thlahfal ngam chi a ni lo.

Kum 26 tling mai tur Young hian tun season ah hian vawi 7 a inlanah goal 3 lai a thun hman a.Coach hlui Martin O'Neill a hnuaiah khan a tlangtla vak lo a, mahse coach thar Gerard Houllier chuan "Kar 2 lek ka la awm a, game hnih chiah a khel ka la hmu. Mahse ka player duh a ni, ka game plan ah a tel a ni", tiin Ashley Young hi a chelh beh tur thu a sawi.

Chelsea Boss Carlo Ancelotti pa a thi

2010-09-30T22:11:00.000-07:00

Super Sunday a Chelsea in Stamford Bridge a Arsenal an khelh hunin Chelsea Coach Carlo Ancelotti chu a tel ve thei dawn lo.

Nilai zan khan Ancelotti pa Giuseppe chu kum 87 niin a thi a, a pa thih thu a hriat rual hian an khaw lamah a thlawk haw nghal a ni. Inrinni hian vuina hun an hmang dawn a, tunah hian Ancelotti chu a chhungte nen Italy ah an awm mek a, vuinna an hman zawh hian Stamford Bridge ah a hna chhunzawm leh turin a rawn kir leh ang.

Chelsea leh Arsenal inkhel tur hi a pawimawh em em a, League hmahruaitu Chelsea hi an chak a nih chuan 3-na Arsenal lakah point 7 in an fal thei tawh dawn a. An chaklo a nih ngat chuan Arsenal hian point 1 chiahin an thlau tawh dawn a, Tin, inrinni zana Manchester United in Sunderland an hneh bawk chuan United hian hma an hruai thei dawn a ni. Chelsea hi kar hmasa Premier League ah khan Man City chuan 1-0 in an lo hneh a, chak an mamawh em em lai a ni, hetih lai hian Arsenal pawh West Brom lakah an lo tlawm ve tho a, game hmuhnawm tak tur a ni. Ancelotti awm loh hlan hian Assistant Manager Ray Wilkins chuan a ai a lo awh dawn a ni.

Chelsea Official Website ah chuan Ancelotti pa thihna an tawrhpui thu ziak in

Man City chhanhimtu Adam Johnson

2010-09-30T20:55:00.000-07:00

Eastlands ah Manchester City chuan an mikhual Juventus chu an draw hram. Europa League Cup Group A inkhel hi a hmuhnawm em em a, Player neitha ve ve an ni. Minute 10 lekah Iaquinta chuan veilam Penalty area kil sir pawn hret atangin kawh mar pat in a shot. City Keeper Hart tan tih ngaihna a awm lo, kil takah a lut. Juventus chuan khual khuaah hma an hruai ta vung mai. City in thei tawkin an nawr let a, mahse Juventus an ding khawng.

Tevez an 33mins a a cross, Bary an goal ban a tauh per te kha a uihawm khawp mai.City hian an nawr na em a, min 37 ah an duh chu an hmu ta. Yaya Toure chuan Juventus defenders te rin phak bak leh entu te pawhin kan rin phak baka ball tha a pe, Adam Johnson chuan offside hauh lovin a um lut, vawi khat a tawk a, keeper a rawn up , a bum nghal. Tichuan dan rual lohin awlsam hmel takin goal a thun a, an si phurh a rul.

Secod half an khel leh a, an in nawr tawn zel .Mahse Clear chance a awm hlei thei lo. Del Piero pawh a vanglai pha tawh lo mahse a khel pangai khawp mai. City lamah hian Tevez leh Yaya Toure an khel tha chungchuang. goal dang a luh belh lo. Hun a tawp a, 1-1 in an inhnehtawk ta a ni.

Inkhel hmuhnawm tak a ni a, City lam an inrem fuh. Yaya Toure ball pek A Johnson goal kha a pui hle mai. Ball mawl tak a pass emaw kan ti a, mahse A Johnson chuan a lo hre hle mai, goal a thun phah ta a. Hetih lai hian senior Viera kha a chu ti teh lua tawh lo niin a lang. Viera kha lut ta lo se City hian hnehna an chan phah hial maithei a ni. Juventus hian ball an keng thei zawk a..mahse an ball chan tam zawng chu a in thlau lo hle mai. Club lian pahnih an ni a, an result hi a awm tho a ni.

Europa Cup results

AA Gent1-1Lille
FT
Atletico Madrid1-1Bayer Leverkusen
FT
BATE Borisov4-1AZ Alkmaar
FT
Borussia Dortmund0-1Sevilla
FT
CSKA Moscow3-0Sparta Prague
FT
CSKA Sofia0-1FC Porto
FT
FC Metalist Kharkiv0-2PSV Eindhoven
FT
FC Sheriff Tiraspol2-0Dynamo Kiev
FT
FC Utrecht0-0LiverpoolFT
Hajduk Split1-0Anderlecht
FT
Lech Poznan2-0SV Salzburg
FT
Man City1-1JuventusFT
Odense BK1-2VfB Stuttgart
FT
Palermo1-0Lausanne Sports
FT
PAOK Salonika1-0Dinamo Zagreb
FT
Paris SG2-0Karpaty Lviv
FT
Rapid Vienna1-2Besiktas
FT
Rosenborg2-1Aris Salonika
FT
Sampdoria1-0Debrecen
FT
Sporting5-0Levski Sofia
FT
Steaua Bucharest3-3Napoli
FT
Villarreal2-1Club Bruges
FT
Young Boys2-0Getafe
FT
Zenit St P'sbg4-2AEK Athens
FT

Zanin Europa Cup thlirlawkna

2010-09-30T02:27:00.000-07:00

Manchester City vs Juventus

UEFA Champions League Matcheday 2 chu nizan khan khelh zawh a ni. A hnuai chiah EUROPA League chu zanin hian khelh chhunzawm a ni ve leh dawn.Zanin hian Manchester City chuan Juventus an mikhual dawn a. Defender Micah Richards chu a rawn kir leh thei ta a, hetih lai hian Shaun Wright Phillips chu a khupah hliam a tawrh a vangin a tel theilo maithei. Striker Bolatelli pawh a khup a tih hliam avangin a khel thei dawn lova. Novermber thla velah a rawn kir leh theih beisei chauh a ni.

Italian League team tha Juventus coach pawh lo ni tawh Mancini chuan, English Premier League chu Serie A aia a that zawk thu sawiin, a tet lai atanga a tan thin Juventus nen kher a an intum tur chu thil nuam tak a ni lem lo a ti bawk. "Mahse football chu hetiang tur hi a ni a lawm, chutih laiin Juventus hi ka hmelma a ni ngai lo, ka naupan tet ata ka tan a ni a, player te leh he club hi ka zah em em a ni. Ka tan chuan hun chhinchhiahthlak tak a ni dawn. Nia.. Ka club hlui leh kan khua chu ka ngai khawp mai, amaherawh chu hetah hian ka hlim a, tin, ka hnathawhna a ni bawk a, nuam ka ti a ni Manchester hi", tiin an inkhelh tur chungchang a sawi.

FC Utretcht vs Liverpool

Liverpool chuan Holland ramah FC Utrecht an va tum dawn a, an thiam puipa Steven Gerrard chu hahchawlh a mamawh avangin a zin ve dawn lo a, Daniel Agger pawh inhliam avangin a kal thei dawn lo a ni.

Torres chu a fit tha tawk a, squad ah pawh a tel a, Konchesky leh Fabio Aurelo te pawh inhliam vangin an tel thei dawn lo. Hetih lai hian Sunderland nen 2-2 a an in draw na game a khel ve thei lo Kuyt chuan a club hlui hi a hmachhawn ve thei dawn a, a club hlui chungchang sawiin " Professional ka nih theih nana hun tha min siam sak tu a ni a, tunah chuan player khete chu ka hre vek tawh lo maithei, pa hnih pathum vel chu an la awm ang. Mahse Ka club hlui hmuh leh hi ka chak em em a ni", a ti.